Ezekiel 19:3 - De Beebaa Dabu

³ Ia ne haele dahi ana dama, gai ia gu sula ga se laiono mmahi. Gai tama laa ne ago de hai e gai ai denga manu aama de gai dangada.

Ezekiel 19:3 Referans Kwoze

Ezekiel 22:25

Ono pelaabisi gu heloongoi i dahi mee, gilaadeu e bei de laiono e haganngolo laa i dana masavaa e gai ai de manu aana gu mau; gilaadeu e daa dangada gi maakau, gilaadeu e kave goloa ma mee hagamogomogo ma de hai gi soa haahine gu maakau olaadeu bodu i kilaa.

Ezekiel 19:6

Ia ne haganngolo i magavaa o denga laiono, go hiidinga ia gu se laiono mmahi. Ia ne ago de hai e daa ai denga manu, gai ia gu laiono gai dangada.

Deuteronomy 33:22

Ia ne tala dagodo o Dan, ga hagadaba, “Dan e bei dagodo o de laiono mmahi, e lele mai laa i Bashan.”

2 Kings 23:34

Gai Pharaoh Neco ne hai Eliakim, tama daane a Josiah, gi suuia dono damana gi hodooligi ai, ma de sui dono ingoo ga hagaingoo ange ia go Jehoiakim. Aagai ia ne nnoa Jehoahaz ga kave gi Egypt, go kilaa hogi oona ne magau ai.

Ezekiel 19:2

ga hai ange, ‘Doo dinana se aha? Ia se laiono mmahi i magavaa o denga laiono! Ia ne dogoduli i magavaa o denga laiono mmahi, ma e haele ai ana dama.

Ezekiel 19:4

Denga huaahenua ne langona ono longo, gai ia ne boogia ga hhao gi lo te laadeu geelinga. Gilaadeu ne hagalau ia i denga maadau ga kave gi de henua o Egypt.

Ezekiel 32:2

“Tama a tangada, huudia taahili o de magau o Pharaoh, de hodooligi o Egypt, ma gi hai ange gi de ia: ‘Koe e bei dagodo o dahi laiono i magavaa o denga huaahenua, aagai koe e bei dahi manu lausedi hagamaatagu; e hagakobu saele i lodo oo saalingaa vai e noho ai laa, ma de hagabeabeau lo te vai i luoo vae, ma de hagabaubau lodo saalingaa vai.

Zechariah 11:3

Hagalaangona adu de tangi o de gau hagaloosi ssiibi; go hiidinga denga mommee iai helii gu oha! Hagalaangona adu de tangi o denga laiono; go hiidinga gu deai donu manu ssomo i Jordan!