Ezekiel 19:10 - De Beebaa Dabu

¹⁰ Doo dinana e bei dagodo o dahi grapevine, ne doo laa i gaogao de vai, gai e lagolago ono hua ma de laalaa ina i hiidinga de lagolago vai.

Ezekiel 19:10 Referans Kwoze

Deuteronomy 8:7

Go hiidinga Tagi Maolunga doodou Maadua e kave naa goodou gi dahi henua danuaa; se henua iai denga saalingaa vai, aama vai e ssali mai i lodo geelonga ma honga duuduu;

Hosea 2:5

Delaadeu dinana se hine hai be se manu, de hine ne hanaua gilaadeu e hagadookaa ana dahulinga. Ia ne hagadaba, ‘Au ga hano nei e ssala ogu dau soa, e gaamai laa agu gai ma vai e unu, ma agu wool ma flax, ma agu lolo aama agu mee e unu.’

Hosea 2:2

“Hagaseegina doodou dinana, hagaseegina ia, go hiidinga ia e dee go dogu bodu, gai au e dee go dono bodu. Ia gi dugua gee ana dahulinga hai be se manu, aama ana hegau dagodo haisala.

Ezekiel 19:2

ga hai ange, ‘Doo dinana se aha? Ia se laiono mmahi i magavaa o denga laiono! Ia ne dogoduli i magavaa o denga laiono mmahi, ma e haele ai ana dama.

Ezekiel 17:6

Gai de manu laa ne somo ga se grapevine baa i lalo ma de laumalie. Gai ono laa e hulo ga tae age gi de mommee iai de igele, ono aga e hulo gi lo te gelegele i ono lalo. Gai de grapevine laa e lagolago ono laa ma ono lau.

Deuteronomy 8:9

Gai se henua e dee maua gi odi gai iai, gai e deai naa donu se mee daudahi oodou e duasala ai. Gai lo te hadu iai denga iron, gai goodou e geli age naa denga copper i honga denga mounga.

John 15:1

“Go au de grapevine abodonu, gai dogu Damana go de ia hai veelenga.

Psalm 1:3

Tangada bee nei e bei de manu somo e doo laa i gaogao denga saalingaa vai; ono hua e hhaa mai i dono masavaa donu, gai ono lau e dee mmae donu. Hegau alodahi aana e hai e ssula danuaa.

Psalm 128:3

Doo bodu e bei naa de grapevine e hua lagolago i doo hale; au dama e bei naa denga uli o de olive i luu baasi doo deebele.

Ezekiel 19:13

Iainei gai de manu laa gu doo i de vao, se mommee mmasa ma teai vai iai.