Ezekiel 17:4 - De Beebaa Dabu

⁴ Ia ne hhadi de ulu o de manu laa ga kave gi de henua o de gau hagao mee, ga doo i dahi aduhale o de gau hagao mee.

Ezekiel 17:4 Referans Kwoze

Revelation 18:3

Gai denga huaahenua alodahi gu unu uvaini o dono dagodo haisala, go hiidinga denga hodooligi o henua i lalo gu dagodo haisala madali ia, de gau hagao mee o henua i lalo gu lava mmao i delaadeu ago ange i dono dagodo haisala.”

Jeremiah 51:13

Goodou e nnoho i gaogao denga vai lagolago, gai ni dangada lava, gu dae mai doodou laangi e maakau ai, gai oodou mouli e modu naa bei taula.

Isaiah 47:15

Gai de gau bee nei, go gilaadeu nogo hai hegau madali goe, ma de hulo saele madali goe mai i doo gauligi, gilaadeu alodahi e duudagi donu de hulo gee i de haiava, gai e deai donu se gilaadeu e maua i de hagaola goe.

Isaiah 43:14

E hagadaba Tagi Maolunga, doodou Ia Hagaola, go de Ia Dabu o Israel: “Au e aalu naa gi Babylon ga oha mee hagamakaga o denga haitoga ma de hagauda mai de gau Babylon alodahi gu hagadee kii laa, i denga vaga olaadeu e hagassoenga ai laa.

Ezekiel 17:3

ga hai ange, ‘E hagadaba de Ia Aamua go Iahweh: E dahi igele laumalie gai e mmahi luoono bakau, ono hulu manu e lloa gai iai denga hagadaagangaa leebunga, ne lele mai gi Lebanon ga kave de ulu o de cedar.

Ezekiel 17:5

Ia ne kave hogi hanu golee mai de henua laa ga doo i de mommee e ssomo danuaa ai denga manu. Gai ia ne kave ga doo i dahi mommee e lagolago vai iai, bei dagodo o de manu somo go de willow.

Ezekiel 31:3

Tilo, Assyria e bei dahi cedar i Lebanon i mua; ono laa e mahamaha gai e haoli denga manu ssomo ange laa, gai e kona donu de looloa, dono ulu e daea age denga giliiga.

2 Kings 24:12

Gai Jehoiachin, de hodooligi o Judah, ma dono dinana, ma ono dangada bale, ma de gau maolunga, ma dagi o de henua alodahi gu hai hegau ange gi de ia. Gai de valu ngadau huu o Nebuchadnezzar, de hodooligi o Babylon ne hodooligi ai, gai ia ne nnoa Jehoiachin.

Jeremiah 24:1

Dua huu de kave gee a Nebuchadnezzar, de hodooligi o Babylon Jehoiachin, tama a Jehoiakim, de hodooligi o Judah, ma dagi o Judah, ma labagau o denga laagau ma baalanga, mai i Jerusalem ga kave gi Babylon, gai tilo, Tagi Maolunga ne hagaago mai gi de au e dahi midi: au ne gidee e lua gede e hhao ai denga hua fig e daakodo i ma te temple o Tagi Maolunga.