Ezekiel 16:9 - De Beebaa Dabu

⁹ Gai au ne hakaugau goe i vai ga ssolo gi deai dodo e pigi adu gi de goe, ma de hulu goe i de lolo.

Ezekiel 16:9 Referans Kwoze

Psalm 23:5

Koe e hagadabena dahi deebele mai gi de au, i madamada o ogu hagadaumee. Koe e hagasulu dogu biho i de lolo; dagu ubu gu honu malingilingi.

Ruth 3:3

Hannoo gaugau gahu i oo malo hagadanuaa, ga hagamanongi doo angaanga ga hano ai gi de mommee hili huamanu; aagai haia gi dee gidee e ia goe ga dae ai gi dono bosu i de gaimee ga unu.

1 John 5:8

go de Hagasaalunga ⌊Dabu⌋, ma de vai, aama dodo; mee e dolu nei e buni.

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

2 Corinthians 1:21

Aagai go de Maadua ne hagalodo mmahi ina gimaadeu madali goodou i lodo o Klisdo, ga hagadabu gidaadeu

1 Corinthians 10:2

gilaadeu alodahi ne babudaisi gi daudali ange i Moses i lalo de hagausinga ma lo te vai,

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Ezekiel 16:4

Doo laangi ne haanau ai gai doo henuu tee tuu donu, koe tee hakaugau hogi i hanu vai gi gilimalali ai goe, koe tee hulu i soolo, aabe ne saabini i hanu malo.

Isaiah 4:4

Gai de Ia Aamua laa e hagagilimalali naa denga mee hakino gee o denga haahine o Jerusalem; ia e hhui naa denga dodo e baalau laa i Jerusalem i de hagasaalunga e hagamodu ina laa muna i de ahi.

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Ezekiel 16:10

Au ne hakahu adu goe i de malo gu maaga ma gu hagalaagii, ma de ulumagi ange mee vae gili kaau lausedi gi luoo vae. Au ne saabini goe i de malo linen, ma de haoli adu goe i malo siliga.