Ezekiel 16:8 - De Beebaa Dabu

⁸ Muli mai gai au ne seesee adu ange hogi gi de mommee oou iai, gai tilo, koe gu odi ange oo ngadau e hai bodu ai. Gai au ga hai dogu malo ga haoli adu ai goe, gi dee gilisau ai goe. Au ne hagatoo donu adu gi de goe, ma de hai dahi hagatoo donu hagaheloongoi madali goe — go de Ia Aamua go Iahweh e hagadaba — gai au ne hai goe ga niiagu.

Ezekiel 16:8 Referans Kwoze

Ruth 3:9

Gai ia ne ssili gi de ia, “Go koe goai?” De hine laa ga hai ange, “Go au go Ruth, doo hahine hai hegau. Haia de bido o doo malo hakahudia mai ai au, doo hahine hai hegau, i hiidinga go koe se dangada e balea mai gimaau.”

Romans 5:8

Aagai de Maadua ne hagaago mai dono aloha i gidaadeu i dana gaamai Klisdo gi magau i odaadeu hiidinga, i de masavaa odaadeu goi nnoho ai i lodo odaadeu haisala.

Isaiah 43:4

Go hiidinga au e hagamogomogo goe, ma de hagadubu goe, gai go hiidinga au e aloha i de goe, au e gaavange dangada e sui ai goe, ma denga huaadangada e hagaola ai doo mouli.

Hosea 11:1

“De masavaa o Israel e gauligi ai, gai au ne aloha i de ia; au ne hagahi dagu dama ga hagasao mai ia i Egypt.

Deuteronomy 4:31

Gai Tagi Maolunga doodou Maadua se Maadua e lodo aloha; ia e dee tili naa donu aabe ngalo de hagatoo donu hagaheloongoi aana gu hai madali oodou dubuna madagidagi ga hagadonu i dahi hagatoo donu.

Exodus 32:13

Manadua Abraham, ma Isaac, aama Israel, oo dangada hai hegau. Koe ne hagatoo donu ange gi gilaadeu i doo ingoo donu, ga hai ange gi gilaadeu, ‘Au e hai naa oodou aamuli gi soa bei de lagolago o denga heduu i lo te langi, gai au e gaavange naa gi oodou aamuli de henua aagu gu hagatoo donu adu gi gilaadeu gi henua ai ga hano ai.’ ”

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Ezekiel 16:6

Gai de masavaa oogu ne hanadu ai ga gidee goe e dagai saele i lodo oo dodo, gai au ne hai adu, “Koe gi mouli!” Au ne hai adu gi de goe i de masavaa oou e dagodo ai i lodo oo dodo, “Koe gi mouli!”

Jeremiah 31:3

gai Tagi Maolunga ne hakide ange gi de ia i de mommee mmao, ga hai mai, “Dogu aloha i de goe e dee ngado donu, deelaa ai, au ne duudagi de muna abodonu adu gi de goe.

Malachi 1:2

E hagadaba Tagi Maolunga, “Au ne aloha i de goe.” Aagai goodou e ssili, “Dee hee doo hai e aloha ai i gimaadeu?” E hagadaba Tagi Maolunga, “E aha, e dee go Esau taina daane o Jacob? Gai au ne aloha i Jacob,

Jeremiah 31:32

Gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, go hiidinga gilaadeu ne oha dagu hagatoo donu hagaheloongoi, e dee galemu donu go au delaadeu dangada aamua, go Tagi Maolunga e hagadaba.

Genesis 22:16

ga hai ange, “E hagadaba Tagi Maolunga: Au e hagatoo donu i dogu ingoo, go hiidinga koe gu hai de hegau nei, koe tee daohi donu dau dama dagidahi,

Hosea 2:7

Ia e doolohi saele naa ono dau soa, aagai e dee daea e ia gilaadeu; ia e ssala naa gilaadeu, aagai e dee gi gidee. Gai ia e hagadaba naa, ‘Au ga ahe nei e hano gi daho dogu bodu i mua, go hiidinga au e kii ange dogu danuaa i de masavaa laa.’

Hosea 2:15

Gai au e gaavange naa gi de ia hanu veelengaa grape i kilaa, ga hai de geelonga o Achor gi se haitoga ange gi de tali hagalodolodo. Gai ia e daahili naa bei dono daahili i de masavaa oona e damaa hine ai, aama de masavaa oona ne sao mai ai i Egypt.

Exodus 15:16

gilaadeu e maatagu naa ma de manavasaa mmao. Tagi Maolunga, doo sauaa mmahi gu hai gilaadeu ma gu dee vaa ngaalue bei dagodo o de hadu, ga dae ai gi de odi doo huaadangada i de hulo ga ui, ga dae ai gi de ui dangada aau ne hagaola.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.