Ezekiel 16:7 - De Beebaa Dabu

⁷ Au ne hai goe gi somo bei dahi manu somo i lo te duu malaelae. Gai koe ne somo ga looloa ma de mahamaha: luoo gaanuunu gu ssomo mai, oo ngaangaaulu gu ssomo age hogi, gai koe e gilisau ma teai oo malo.

Ezekiel 16:7 Referans Kwoze

Deuteronomy 1:10

go hiidinga Tagi Maolunga doodou Maadua gu hai goodou gi hagadili gi soa, anailaa nei goodou gu soa donu bei dagodo de lagolago o denga heduu i lo te langi.

Exodus 1:7

Aagai de aamuli o Israel gu hagadili ga soa mmao; gilaadeu gu hagadaga ange donu de soa ma de mmahi, gai gu soa donu gilaadeu e nnoho i honga de henua alodahi.

Isaiah 62:3

Koe e bei naa de hau hodooligi mahamaha i lo te lima o Tagi Maolunga, gai se hau hagauda i lo te lima o doo Maadua.

Acts 7:17

Gai ga dae mai huu de masavaa e hagasula ai de hagatoo donu a de Maadua ange gi Abraham, gai gilaadeu ga hagadili gu soa mmao i Egypt.

Hosea 2:3

Au kana hagaui ono malo gi gilisau ai ia bei de laangi oona ne haanau ai laa, ma de hai ia gi bei dagodo o de vao, ma de mommee e deai vai iai, aama de daa ia gi magau i dono hieunu.

Ezekiel 16:22

Gai de masavaa oou e hai ai au dahulinga hakino gee ma de hai be se manu, gai koe tee manadua donu doo masavaa e gauligi ai, koe nogo gilisau ma teai oo malo, ma doo dagodo ga dagai saele i lodo oo dodo.

Ezekiel 16:16

Koe ne kave hanu oo malo ga hagalaagii ai denga mommee daumaha, gai koe ne hai be se manu i kilaa. Dahulinga nei e dee ni mee donu e hai, aabe ni mee e hagassula.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Song of Songs 4:5

Luoo gaanuunu e bei e lua gazelle gauligi, ma luu dama a dahi gazelle, e gaimee saele laa i magavaa lilii.

Psalm 148:14

Ia gu hagasula age dahi hanga moo ono dangada, de tuhi a ono dangada dabu alodahi, ma de gau Israel, go dangada aana e hagamogomogo. Duuhia Tagi Maolunga!

Psalm 147:20

Ia tee hai ange mee nei gi dahi huaahenua gee; gai ana hagamodu, gilaadeu e dee iloo mee nei. Duuhia Tagi Maolunga!

Psalm 135:4

Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

De Beebaa go Job 1:21

ga hagadaba, “Au ne ngadi haanau mai i lo te dinae o dogu dinana, gai au e ngadi ahe naa hogi gi kilaa. Go Tagi Maolunga ne gaamai, gai go Tagi Maolunga e gaavee gee; duuhia de ingoo o Tagi Maolunga.”

Deuteronomy 4:8

Gai e deai ange hogi se huaahenua, e hanu alaadeu hainga gu hagasauaa ma hagamodu heohi, bei de hainga alodahi aagu gu gaavadu gi goodou anailaa nei.

Exodus 12:37

Gai de gau Israel ne daga mai i Rameses ga hulo gi Succoth. Gai se onoseguli daane e hulo madali denga haahine ma gauligi.

Exodus 3:22

Gai denga haahine alodahi gi hai ange gi dangada e nnoho i olaadeu gaogao, ma dangada e nnoho i olaadeu daha gi gaavange gi gilaadeu selevaa, ma goolo, aama denga malo. Gai goodou ga hakahu ai oodou dama aama de dau ange mee nei gi olaadeu ua, gai goodou ga kave ai goloa o de gau Egypt.”

Genesis 22:17

deelaa ai, au e hagamanuuia naa donu goe, ga hai gi soa oo hagadiilinga, bei de lagolago o denga heduu i lo te langi, ma de lagolago o denga gelegele i gaogao tai. Gai oo hagadiilinga e kave naa denga aduhale o olaadeu hagadaumee.

Song of Songs 8:8

Gimaadeu e dahi omaadeu daina hahine, gai tigi ssomo mai luoono gaanuunu. Dee hee demaadeu hai e hai ai demaadeu daina, i de masavaa o dahi daane e lodo ai e hai bodu ange gi de ia?

Song of Songs 8:10

Au e bei dahi buibui, gai luoogu gaanuunu e bei e lua hale dagitilo. Gai deenei de hai a de ia oogu e aloha ai e tilo ai au: au e bei tangada e haia gi nnoho paba dangada.

Ezekiel 16:6

Gai de masavaa oogu ne hanadu ai ga gidee goe e dagai saele i lodo oo dodo, gai au ne hai adu, “Koe gi mouli!” Au ne hai adu gi de goe i de masavaa oou e dagodo ai i lodo oo dodo, “Koe gi mouli!”

Deuteronomy 1:11

Gai Tagi Maolunga, de Maadua o oodou dubuna, ne hai gi kii ange doodou soa ma de hagamanuuia goodou, bei dana hai gu hagatoo donu adu ai gi goodou.