Ezekiel 15:2 - De Beebaa Dabu

² “Tama a tangada, dee hee de hai o de laa o de grape e danuaa ange ai i de laa o dahi manu somo i lodo henua?

Ezekiel 15:2 Referans Kwoze

Hosea 10:1

Israel e bei dagodo o dahi grapevine lau kohu, gu loage laa ono hua. Gai ga hagadaga ange huu de lagolago ono hua gai ia ga hagaduu gu kii ange de lagolago ono mommee o ssigidaumaha. Gai ga hagadagadaga age huu dono lava, gai ia ne hagalaagii ono duludulu hadu dabu.

Jeremiah 2:21

Au ne doo goe gi se grapevine danuaa, se golee mai i de manu danuaa. Gai gu aha goe gu hai baasi mai gi de au ma gu sui ma gu se grapevine lodo henua?

Song of Songs 7:12

Gidaau e oho boo age e hulo gi denga veelengaa grape, e tilo ai be gu matili age hua o denga grape, be gu aala olaadeu hua aabe denga pomegranate gu loage olaadeu huaala; gai au ga hagaago adu ai dogu aloha i de goe i kilaa.

Song of Songs 6:11

Au ne hano iho gi de veelenga hua laagau, e tilo ai denga huaala i lo te geelonga, ma de tilo be denga grape gu matili age, aabe denga pomegranate gu loage olaadeu huaala.

Song of Songs 2:15

Booboogia denga gaaduu de vao, go denga gaaduu de vao vaaligiligi, e oohaa laa denga veelengaa grape, go hiidinga adaau veelengaa grape gu aala ono hua.

Zechariah 11:2

Denga cypress, goodou tangi see, go hiidinga denga cedar gu baakuu, denga manu ssomo mahamaha gu oha! Denga oak o Bashan, goodou oo ma gi tangi; go hiidinga denga manu ssomo gu sele!

Micah 3:12

Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Song of Songs 2:13

De fig gu loage ono hua, gai denga huaala o de grapevine gu manongi mai. Dogu dau soa, hidi age humai; dogu soa mahamaha, humai madali au.”

Ezekiel 15:1

Gai Tagi Maolunga ne hagaago mai ana muna gi de au, ga hai mai,

Ezekiel 15:3

E aha, dangada e kave laa ono laa e hagatuu ai hanu mee haigamaiana? Gai dangada e hai laa dahi laa o de manu nei e hagalau ange ai mee?

Ezekiel 19:12

Gai hanu ne llili ga unusi age de grapevine laa, ga hagabaguu iho gi honga de gelegele, gai de madangi mai i dua ne ili ga mmae, ono hua gu malili, gai ono laa makaga laa gu mmae, gai de ahi ne dudu de manu laa alodahi.