Ezekiel 14:4 - De Beebaa Dabu

⁴ Deenei ai, daalaa ange gi gilaadeu hai ange: ‘E hagadaba de Ia Aamua go Iahweh: Dahi ma dahi i Israel gu daumaha ange laa gi denga diinonga i olaadeu lodo ga hagahaisala ai gilaadeu, gai e humai hogi gi daho de pelaabisi; gai go au donu Tagi Maolunga e basa ange gi gilaadeu i muna e heohi ange gi delaadeu daumaha ange gi denga diinonga.

Ezekiel 14:4 Referans Kwoze

Ezekiel 14:7

Gai de masavaa naa huu o dahi dangada Israel, aabe se dangada henua gee e noho laa i Israel e huli gee mai ai i de au, ga daudali ange i denga diinonga i ono lodo, ma de hagaduu dahi diinonga e hagahaisala ai ia, gai ia e hano hogi gi daho de pelaabisi e ssili mai ai dahi mee i ogu daha, gai go au donu, Tagi Maolunga e basa ange naa gi de ia.

Isaiah 66:4

deelaa ai, au e hilihili naa hogi de hai gi vaivai haia gilaadeu, ma de hai gi tuu ange gilaadeu gi mee olaadeu e maatagu ai. Go hiidinga de masavaa aagu ne hagaagahi ai, aagai teai ne basa mai; de masavaa oogu ne basa ai, aagai tee hagalaangona. Aagai gilaadeu ne hai de baubau i mada luoogu mada, ma de hilihili mee oogu e dee malangilangi ai.”

Isaiah 3:11

E vakaa naa tangada baubau! Ia e hai ngadaa naa! Ana hegau ne hai e aahe ange naa donu huu gi de ia.

Ezekiel 3:4

Gai ia ne hai mai gi de au, “Tama a tangada, hannoo gi daho de gau Israel daalaa ange agu muna gi gilaadeu.

Ezekiel 2:7

Gai koe daalaa ange agu muna gi gilaadeu, e dee hilihili be gilaadeu e llodo e hagallongo aabe deai; go hiidinga gilaadeu ni dangada hagamaanege.

2 Kings 1:16

Gai ia ga hai ange gi de hodooligi, “E hagadaba Tagi Maolunga, ‘Koe ne hai hanu gi hulo gi siilia hanu mee i daho Baal-Zebub, tiinonga o Ekron. E aha, gu deai laa donu se Maadua o Israel e ssili ange aagena au muna? Deenei ai, koe e dee hidi age naa donu i de moenga oou e dagodo ai naa, aagai koe e magau naa donu!’ ”

Ezekiel 14:3

“Tama a tangada, denga daane naa e daudali i denga diinonga i olaadeu lodo, ma de daumaha ange gi de mee e haia ga haisala gilaadeu. E aha, e heohi dagu dugu ange gilaadeu gi siilia mai dahi mee daudahi gi de au?

Ezekiel 14:6

Deenei ai, hai ange gi dangada o Israel, ‘E hagadaba de Ia Aamua go Iahweh: Goodou daahuli oodou lodo, gai dilia oodou diinonga ma de hulo gee i oodou dahulinga hakino gee.

Ezekiel 44:12

Go hiidinga gilaadeu ne bale ange gilaadeu i de daumaha ange gi denga diinonga, ga dagi ange ai dangada o Israel gi de baubau, deelaa ai, au gu hagatoo donu bolo gilaadeu e hagaduasala naa donu, go de Ia Aamua go Iahweh e hagadaba.

Zephaniah 1:3

Au e daa naa dangada ma manu dolodolo alodahi; au e daa naa gi maakau denga manu llele i lo te moana ma denga mamu i lo te dai. De gau baubau e bei naa denga hagabuudungaa gainga, i de masavaa aagu e daa ai gi maakau dangada i honga henua i lalo, go Tagi Maolunga e hagadaba.