Ezekiel 13:11 - De Beebaa Dabu

¹¹ deenei ai, daalaa ange gi dangada ne lebu tea ina de buibui laa, bolo de buibui laa e baguu naa donu. De langi maadolu e pala iho naa, gai denga dibaa haisi e too iho naa, gai de madangi mmahi e ssau mai naa.

Ezekiel 13:11 Referans Kwoze

Ezekiel 38:22

Gai au e hagaduasala naa ia i denga mee hagamaakau, ma de daa ono dangada gi magau; au e hai naa hogi gi pala iho de langi maadolu, ma denga dibadibaa haisi aama denga maga ahi ula gi ono elunga ma honga ono hagabuulinga hebagi aama honga o denga huaadangada soa madali ia.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Matthew 7:27

Gai ga pala iho huu de langi, ga hagahonu age de vai, ma de ssau mai de madangi ga usu de hale laa; gai gu baguu ga maoha alodahi!”

Matthew 7:25

Gai ga pala iho huu de langi, ga hagahonu age de vai, ma de ssau de madangi ga usu de hale laa, gai tee maua gi baguu, go hiidinga ne hagaduu i honga de baba.

Nahum 1:3

Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

Isaiah 32:19

Gai ga too iho naa donu denga dibadibaa haisi ga oha lodo henua, gai de aduhale e oha ga odi,

Isaiah 29:6

gai Tagi o denga hagabuulinga hebagi e humai naa bei de hatuli ma de ngalungalue o de henua ma de leo mmahi, madali denga ssio ma de madangi aama de ahi e dudu ai mee alodahi.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Psalm 32:6

Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

Psalm 11:6

Ia e hai naa gi loiho gi honga o de gau baubau de ahi ma maga ahi ula; gai tuuhanga i lodo alaadeu ubu go de madangi hagavvela.

De Beebaa go Job 27:21

De madangi mai i dua e ili naa ia ga kave gee, gai ia gu dee maleva; de madangi gu kave gee ia i dono mommee.

De Beebaa go Job 38:22

Koe gu ulu laa gi lodo mommee doange o denga snow, aabe gu gidee mommee doange o denga dibaa haisi,

Ezekiel 1:4

Gai tilo, au ne gidee de madangi mmahi e humai i ngaiho, gai e dahi hagausinga maadolu e labalaba mai ai denga uila, gai gu kona de maalama luu baasi alodahi. Gai lo te ungaalodo o de ahi laa e dahi mee malamalama bei de baalanga,

Ezekiel 13:12

Gai de masavaa naa huu e baguu ai de buibui laa, gai dangada e ssili adu naa gi goodou, “I hee denga mee oodou ne lebu ai de buibui laa?”

De Beebaa go Job 38:23

go mee aagu gu dugu ange gi de masavaa hai ngadaa, ma de masavaa o taua ma de hebagi?