Ezekiel 12:4 - De Beebaa Dabu

⁴ Gai koe ga dada mai oo goloa gu lava laa i de hhao e hano ai goe, i madamada o dangada i de masavaa e ao ai de mee. Gai de ahiahi naa huu, gai koe ga seesee ga hano gee i madamada o dangada, bei dagodo o dangada e gaavee laa gi dahi henua gee.

Ezekiel 12:4 Referans Kwoze

Jeremiah 39:4

De masavaa o Zedekiah, de hodooligi o Judah ma denga daane hebagi ne gidee ai gilaadeu, gai gilaadeu ga saavini ga hulo; gilaadeu ne ssao ga hulo i de haitoga i magavaa luu buibui, i gaogao de veelenga a de hodooligi i de boo; gai gilaadeu ne hulo i de haiava e hano laa gi Arabah.

Ezekiel 12:12

Delaadeu dagi e hagauda naa hogi dono sabiningaa mee gi honga dono eu madali gilaadeu i de gohugohu de mee ga sao ai ga hano; gai gilaadeu e geli naa dahi mommee i lo te buibui e ssao ai e hulo. Gai ia e haoli naa luoono mada gi dee gidee ai e ia de henua.

2 Kings 25:4

Gai de buibui o de aduhale gu oha ga masaavava, gai denga daane alodahi gu saavini ga hulo, gai gilaadeu ne ssao ga hulo i de haitoga i magavaa luu buibui i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Jeremiah 52:7

Gai gu oohaa ga masaavava de buibui o de aduhale, gai denga daane hebagi alodahi ne saavini ga hulo gee. Gilaadeu ne ssao ga hulo laa lo te haitoga i magavaa luu buibui, i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Ezekiel 12:5

De masavaa alaadeu e haaina ai goe, gai koe ga gelia dahi haonga i lo te buibui o de aduhale, ga sao ai gi tua madali oo goloa.