Ezekiel 12:3 - De Beebaa Dabu

³ Deenei ai, tama a tangada, haoa oo goloa i de laangi, gai koe ga seesee ga hano gee mai i doo hale gi dahi mommee gee, i madamada olaadeu alodahi, bei dagodo o dangada e gaavee laa gi dahi henua gee. Kana adu gilaadeu e tonu ange naa, e dee galemu donu delaadeu hagamaanege.

Ezekiel 12:3 Referans Kwoze

Jeremiah 36:3

Kana adu dangada o Judah e daahuli gee naa i alaadeu dahulinga baubau i delaadeu langona dagodo o denga hai ngadaa alodahi aagu gu hagatau e hai ange gi gilaadeu; gai au ga degi ange ai gi alaadeu hegau baubau ma olaadeu haisala.”

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

Jeremiah 26:3

Agu made gilaadeu e hagallongo mai ga daahuli gee i alaadeu hegau baubau, gai au ga dee hai gi humai de hai ngadaa aagu gu baba ange e hai ange gi gilaadeu.

Luke 20:13

Gai taane niiana de veelenga laa ga hagadaba, ‘Se aha ange naa aagu ga hai? Au ga hai nei gi hano dagu dama daane hagamogomogo gi olaadeu daha, agu made gilaadeu e hagadubu naa ia!’

Jeremiah 36:7

Agu made gilaadeu e dalodalo ange naa gi Tagi Maolunga, gai gilaadeu alodahi e tili naa alaadeu hegau baubau, go hiidinga Tagi Maolunga gu kona mmao de lili ma de bole ma de hagatau e hai baasi ange gi de huaadangada nei.”

Luke 13:34

Jerusalem, Jerusalem, de aduhale ne daia ga maakau denga pelaabisi ma de maga i hadu gilaadeu ne hai gi loomai gi de aduhale! Gu dee modu dogu lodo e hagabudu au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Jeremiah 27:2

Gai Tagi Maolunga ne hai mai gi de au, “Haia dahi laagau hagahai hegau i daula ma hanu laagau lui ga hagauda ange gi luu baasi doo ua.

Psalm 81:13

Mee naa gi hagallongo mai ogu dangada gi de au, gai Israel gi daudali i ogu lodo!

Deuteronomy 32:29

Mee naa gi ni dangada heiangi gilaadeu ma de tonu ange gi de mee nei, gai gilaadeu gu tonu ange gi olaadeu dagodo i muli mai!

Deuteronomy 5:29

Mee naa gi deenei dagodo olaadeu lodo; gilaadeu e maatagu i de au ma de daudali i agu hainga alodahi, gi nnoho paba ai gilaadeu ma alaadeu dama e loomai i olaadeu dua.

Jeremiah 10:17

Goodou e nnoho laa i de mommee e duuli ina i denga hagadaumee, sabaia age oodou sabiningaa mee i honga de gelegele.

Ezekiel 3:27

Aagai de masavaa naa huu oogu e ahe ange ai ga basa adu gi de goe, gai au ga hai gi dee lau doo alelo, gai koe ga hai ange gi gilaadeu, ‘E hagadaba de Ia Aamua go Iahweh.’ Tangada e lodo e hagallongo gai ia gi hagalaangona, gai tangada e dee lodo e hagallongo, ia gi dee hagalaangona, go hiidinga gilaadeu ni dangada hagamaanege.

Ezekiel 12:7

Gai au ne hai ga bei mee alodahi gu lava i de tala mai gi de au. Au ne dada mai dogu sabiningaa mee i de laangi, bei sabiningaa mee o dangada e gaavee laa gi dahi henua gee. Gai de ahiahi gai au ne geli dahi haonga i lo te buibui o de aduhale i luoogu lima, ga kave ogu goloa ga sao ai ga hano, ma de hagauda ogu goloa i honga luoogu eu ga hano ai i madamada olaadeu alodahi.

Ezekiel 43:11

Gai noo gilaadeu gu dookaa i alaadeu mee alodahi gu hai, gai koe ga tala ange gi iloo e gilaadeu de ada o de temple — de hai e hagaduu ai, ono mommee e ssao ai ma de ulu mai ai — ma mee i ono lodo ma ono huulonga aama ono hainga alodahi. Gai siia mee nei gi gidee ai e gilaadeu, gai gilaadeu ga kana ange ai ga haia gi bei dono hagadulagi, ma mee gu lava i de hagasauaa aama ono hainga alodahi.

Jeremiah 7:26

Aagai gilaadeu tee hagallongo mai aabe ne aanga mai. Gilaadeu ne hagamakaga olaadeu lodo ma de kii ange de baubau i olaadeu dubuna madagidagi.

Ezekiel 3:26

Gai au e hai naa gi lau doo alelo, gi dee maua ai e goe i de basa e hagasee gilaadeu; go hiidinga gilaadeu ni dangada hagamaanege.