Ezekiel 12:2 - De Beebaa Dabu

² “Tama a tangada, koe e noho i magavaa o dahi huaadangada hagamaanege. E hanu olaadeu ganomada e tilo ai, aagai gilaadeu e dee gidee; e hanu olaadeu dalinga e hagallongo ai, aagai gilaadeu e dee langona, go hiidinga gilaadeu se huaadangada hagamaanege.

Ezekiel 12:2 Referans Kwoze

Mark 4:12

‘gi gidee ai e gilaadeu gai e dee madea; gai gi langona ai e gilaadeu, gai e dee tonu ange aagena, gi dee daahuli ai olaadeu lodo gai de Maadua ga degi ange gi olaadeu haisala.’ ”

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Psalm 78:40

Gai tee modu donu delaadeu hai baasi ange gi de ia i de vao ma de hagadaemaha ono lodo i lodo henua!

Ephesians 4:18

Alaadeu maanadu e kona mmao de gohu, gilaadeu gu vvae gee i de mouli o de Maadua, i hiidinga delaadeu llodo ssenga ma de makaga olaadeu lodo;

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

2 Corinthians 3:14

Aagai de gau Israel ne hagamakaga olaadeu lodo; anailaa nei donu, gai de masavaa naa huu alaadeu e dau ai de hagatoo donu hagaheloongoi duai, gai de mee haoli laa tigi aau gee donu, i hiidinga go daho Klisdo donu huu e maua ai i de aau gee de mee laa.

John 12:40

“Ia gu hai gi dee kide gilaadeu ma de hagamakaga olaadeu lodo, kana gidee naa huu e gilaadeu ga tonu ange gai gilaadeu ga daahuli olaadeu lodo, gai au ga hagaieiangi gilaadeu.”

Jeremiah 5:23

Aagai de huaadangada nei e makaga olaadeu lodo ma de hagamaanege; gilaadeu gu huuhuli ma gu hulo gee.

Isaiah 65:2

Au ne haalo ange luoogu lima mai i taiao ga boo ai, gi dahi huaadangada e makaga olaadeu lodo, gai ni dangada e seesee i denga haiava dee danuaa, ma de daudali i alaadeu maanadu donu huu.

Isaiah 30:9

Go hiidinga de gau nei ni dangada hai alaadeu hai, gai ni dama e hadu muna, gilaadeu ni dama e dee llodo e hagallongo agoago a Tagi Maolunga.

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Luke 8:10

Ia ne hai ange, “Gu dugu adu gi goodou gi maua i de tonu ange, gi mee o de nohoanga hodooligi o de Maadua e dee iloo laa, aagai e tala ange donu huu gi dangada ange laa i muna hagasengasenga; ‘gi gidee ai e gilaadeu gai e dee madea, gai gi langona ai e gilaadeu gai e dee tonu ange aagena.’

Ezekiel 2:3

Ia ne hai mai gi de au, “Tama a tangada, au e hai naa goe gi hano gi daho de gau Israel, go dangada e hai baasi mai laa gi de au; gilaadeu ma olaadeu damana ne haisala mai gi de au ga dae mai ai gi anailaa nei.

Ezekiel 44:6

Gai koe hai ange gi de gau hagamaanege o Israel: E hagadaba de Ia Aamua go Iahweh: De gau Israel, duudia doodou hai denga dahulinga hakino gee alodahi.

Ezekiel 24:3

Gai koe daalaa ange de mee hagasengasenga nei gi de gau hagamaanege naa, ga hai ange gi gilaadeu, ‘E hagadaba de Ia Aamua go Iahweh: Dugua ange de anibada e dunu, dugua ange de anibada ma gi liingia ange vai gi ono lodo.

Ezekiel 17:12

“Hai ange gi dangada e hai baasi mai laa gi de au, ‘Goodou tigi tonu ange naa donu gi de hagadoonunga o mee nei?’ Hai ange gi gilaadeu, ‘Tilo, de hodooligi o Babylon ne humai gi Jerusalem ga kave madali ia de hodooligi ma denga dagi gi Babylon.

Ezekiel 3:9

Au e hai naa gi kii ange de makaga oo lodo i de hadu makaga. Aude manavasaa donu i gilaadeu, aude madagu i gilaadeu, e dee galemu donu gilaadeu ni dangada hagamaanege.”

Deuteronomy 31:27

Go hiidinga au e iloo bolo goodou e kona donu de hai oodou hai ma de makaga oodou lodo. Iainei donu i dogu masavaa goi mouli ai, gai goodou e hai baasi ange donu gi Tagi Maolunga, gai e kii ange naa donu doodou hai mee nei i dua dogu magau.

Deuteronomy 29:4

Aagai Tagi Maolunga tigi hai gi maua e goodou i de tonu ange, gi mee alodahi oodou gu gidee ma de langona, ga dae mai ai gi anailaa nei.

Deuteronomy 9:24

Goodou gu hai baasi ange huu gi Tagi Maolunga, mai i taamada dagu iloo goodou.

Deuteronomy 9:7

Goodou manadua de mee nei, goodou aude ngalo donu doodou hai ga lili Tagi Maolunga doodou Maadua i de vao. Mai i de laangi oodou ne ssao mai i de henua go Egypt, ga dae ai gi doodou tae mai gi kinei, gai goodou ne hai baasi ange gi Tagi Maolunga.

Jeremiah 4:17

Gilaadeu gu duuli de aduhale bei denga daane e hagaloosia laa dahi veelenga, go hiidinga ia gu hai baasi mai gi de au,’ go Tagi Maolunga e hagadaba.

Isaiah 6:5

Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”

Isaiah 43:8

Dagina mai gilaadeu e hanu olaadeu ganomada, aagai e dee kide, ma gilaadeu e hanu olaadeu dalinga, aagai e longoduli.

Ezekiel 12:1

Gai Tagi Maolunga ne hagaago mai ana muna gi de au, ga hai mai,

Ezekiel 12:25

Aagai au, Tagi Maolunga, e basa naa ga tala dagu hagatau, gai e hagasula naa donu i de masavaa moolau. Gai e hai naa donu i oodou laangi, goodou de huaadangada hagamaanege. Gai au ga hagassula naa donu agu muna gu tala, go de Ia Aamua go Iahweh e hagadaba.’ ”

Deuteronomy 29:3

Goodou ne gidee denga mee hagamaatagu, ma hagailonga aama mee hagalele mouli mmao.

2 Kings 17:14

Aagai gilaadeu tee hagallongo mai, gai ne hagamakaga olaadeu lodo, bei olaadeu damana, go dangada tee hagadonusia Tagi Maolunga delaadeu Maadua.

2 Kings 17:15

Gilaadeu ne tili ana hainga gu hagasauaa, ma dana hagatoo donu hagaheloongoi ne hai madali olaadeu dubuna madagidagi, aama ana mee gu hagakana ange ai gilaadeu. Gai gilaadeu gu daumaha ange gi denga diinonga e deai olaadeu haigamaiana, ga hai ai ga deai olaadeu haigamaiana. Gilaadeu ne ago ange i denga huaahenua e paa ange gi gilaadeu, e dee galemu donu Tagi Maolunga gu hai ange, “Goodou aude ago ange i gilaadeu,” gai gilaadeu ne hai donu mee a Tagi Maolunga ne hai ange gilaadeu gi dee haia.

Isaiah 44:18

Gilaadeu e haia mee nei e dee tonu ange; gai de Maadua gu pono olaadeu ganomada, gi dee gidee ai e gilaadeu, gai alaadeu maanadu gu pono hogi, gi dee tonu ange ai gilaadeu.

Jeremiah 7:26

Aagai gilaadeu tee hagallongo mai aabe ne aanga mai. Gilaadeu ne hagamakaga olaadeu lodo ma de kii ange de baubau i olaadeu dubuna madagidagi.