Ezekiel 11:2 - De Beebaa Dabu

² Gai Tagi Maolunga ne hai mai gi de au, “Tama a tangada, aanei denga daane ne haia dahi hagatau baubau ma de gaavange denga hagasaele baubau gi dangada i de aduhale nei.

Ezekiel 11:2 Referans Kwoze

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Jeremiah 5:5

Gai au e hano naa gi daho de gau maolunga e basa ange ai gi gilaadeu; gilaadeu e iloo donu haiava o Tagi Maolunga, ma lodo o delaadeu Maadua.” Aagai gilaadeu ne hagabuni ga hadihadi ana laagau hagahai hegau, ma de duuduu denga mee noonoa.

Psalm 52:2

Doo alelo e tala denga hagatau e daa ai dangada; doo alelo e kangi bei de leesaa, koe se dangada hai hegau hadu muna.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Psalm 36:4

Ia e hai donu hogi denga hagatau baubau i honga dono moenga; ia e hagababa ange ia gi dahi haiava e dee danuaa; gai ia e dee kino donu i de baubau.

Esther 8:3

Gai Esther ne dangidangi ange hogi gi de hodooligi, ma de duuduli i gaogao luoono vae ma de dangi. Ia ne dangidangi ange ia gi haia gi dee sula de hagatau baubau a Haman, taane Agag gu hagasauaa laa e daa ai gi maakau de gau Ssuu.

Ezekiel 7:26

Denga hai ngadaa lagolago e hai anga naa gi gilaadeu, gai gilaadeu e langona naa denga longo hagamaatagu. Dangada e ssala naa denga midi hagaago ange i daho de pelaabisi; tangada haimeedabu e dee iloo naa de hainga, gai denga daane maatua gu dee maua naa, i de bale ange dangada i hagasaele danuaa.

Nahum 1:11

Nineveh, dahi dangada e humai naa i oo daha, ga hai dahi hagatau baubau e hai baasi ange ai gi Tagi Maolunga, ma de hai denga hagasaele baubau.

Psalm 36:5

Tagi Maolunga, doo aloha e hano loo ga dae gi de langi, doo hai hegau i de mee abodonu e dae age gi denga giliiga.