Ezekiel 1:10 - De Beebaa Dabu

¹⁰ Gai aanei dagodo o olaadeu mada: denga mee mouli e haa laa e dagidahi olaadeu mada bei luu mada o tangada, gai olaadeu mada i de baasi madau, e bei luu mada o de laiono; olaadeu mada i de baasi masui, e bei luu mada o de kaau; gai olaadeu mada ange laa, bei luu mada o de igele.

Ezekiel 1:10 Referans Kwoze

Ezekiel 10:14

Gai dahi cherub laa e haa ono mada; luu mada i tahi biho laa e bei luu mada o de cherub, de lua e bei luu mada o tangada, tolu e bei luu mada o de laiono, gai de haa e bei luu mada o de igele.

Revelation 4:7

Tahi mee mouli laa e bei dagodo o de laiono, de lua e bei de kaau daane, gai luu mada o tolu e bei luu mada o tangada, gai de haa e bei de igele e lele laa.

Revelation 5:5

Gai dahi i magavaa o denga daane maatua e dinolua ma dogohaa laa ne hai mai gi de au, “Aude dangi! Tilo, de laiono o de aamuli o Judah, go de Uli o David, ia gu kii, deelaa ai, ia e maua donu i de oha mee hagamakaga e hidu ma de hhuge de beebaa mulo laa.”

Luke 15:10

Au e hai adu gi goodou, de gau de langi a de Maadua e malangilangi donu hogi i de dahuli lodo o dahi dangada haisala.”

Daniel 7:4

Tahi manu alasala laa e bei de laiono, gai ono bakau e bei bakau o de igele. Gai au ne duudagi de haaina, ga dae ai gi de aau gee luoono bakau, ma de hagahidi age ia gi duu i honga luu vae bei dagodo o tangada; gai gu gaavange gi de ia dahi hadu manava bei de hadu manava o tangada.

Isaiah 46:8

Goodou manadua ma de hagasaele de mee nei, gai hagamaanadu i de mee nei, goodou de gau baubau.

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Proverbs 14:4

Noo e deai donu kaau, gai de mommee o denga manu gu ngadi dagodo; aagai mahi o denga kaau e hai ga lagolago hua manu.

De Beebaa go Job 39:27

Gai go koe e hai ange laa gi de igele gi lele gi hanage gi de mommee maolunga gi haia ai dono hoohanga?

1 Chronicles 12:8

Hanu daane Gad ne loomai ga dau ange gi David i de mommee buibui makaga i lodo henua. Gai gilaadeu ni daane mmahi ma de dau i de hebagi, gai e aabo i de hebagi i de mee hungihungi ma tao. Olaadeu mada e hagamaatagu bei mada o denga laiono, gai e kemo bei denga gazelle i ulu mounga.

Judges 14:18

Gai denga daane o de aduhale ne hai ange gi Samson i de hagahidu laangi, i mua de danu de laa, “Se aha e maimai ange i denga hooni? Gai se aha e mmahi ange i de laiono?” Gai Samson ga hai ange gi gilaadeu, “Noo goodou tee hagabasa dogu bodu, gai goodou tee maua donu gi iloo dagu mee hagasengasenga.”

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

Numbers 2:25

Gai de baasi ngaiho go de hagailonga o de mommee nnoho gaainga o Dan ma olaadeu hagabuulinga. Tagi o dangada o Dan go Ahiezer, tama daane a Ammishaddai.

Numbers 2:18

Gai de baasi dai go de hagailonga o de mommee nnoho gaainga o Ephraim ma olaadeu hagabuulinga. Tagi o dangada o Ephraim go Elishama, tama daane a Ammihud.

Numbers 2:10

Gai de baasi ngaage go de hagailonga o de mommee nnoho gaainga o Reuben, ma olaadeu hagabuulinga. Tagi o dangada o Reuben go Elizur, tama daane a Shedeur.

Numbers 2:3

Dangada e hagaduu delaadeu mommee nnoho gaainga i de baasi dua, go de mommee e sobo age ai de laa, go de aamuli o Judah ma olaadeu hagabuulinga, i lalo delaadeu hagailonga. Tagi o dangada o Judah go Nahshon, tama daane a Amminadab.

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

Ezekiel 1:6

aagai gilaadeu e dagihaa olaadeu mada ma bakau.

Ezekiel 41:19

luu mada o tangada e huli ange gi de palm i dahi baasi, gai luu mada o de laiono e huli mai gi de palm i de baasi ange laa. Gai mee nei e maaga ange gi de baasi i lo te temple alodahi.