Exodus 9:34 - De Beebaa Dabu

³⁴ Aagai ga gidee huu e Pharaoh bolo gu helui de pala iho de langi ma denga duudangaa haisi, gai denga hatuli gu dee babaa, gai gilaadeu ma ono dangada hai hegau ga aahe ange ga hagamakaga olaadeu lodo.

Exodus 9:34 Referans Kwoze

Exodus 7:14

Gai Tagi Maolunga ga hai ange gi Moses, “Pharaoh goi hagamakaga huu ono lodo, ia e dee lodo e dugu de huaadangada naa gi hulo.

Ecclesiastes 8:11

De masavaa naa huu e dee hagaduasala ai tangada i de masavaa moolau, i ana hegau baubau, gai lodo o dangada gu nnoho ai naa donu huu e hai de baubau.

2 Chronicles 36:13

Ia ne hai baasi ange hogi gi de hodooligi go Nebuchadnezzar, go de hodooligi ne haia laa ia gi hagatoo donu i de ingoo o de Maadua. Ia tee hagamaolalo gai ne hagamakaga ono lodo aama tee dahuli ange ono lodo gi Tagi Maolunga, de Maadua o Israel.

2 Chronicles 33:23

Aagai ia tee bei dagodo o dono damana go Manasseh, ia tee hagamaolalo ono lodo i mada luu mada o Tagi Maolunga; ia ne hai ga kii ange de lagolago ono haisala.

2 Chronicles 28:22

Gai dono masavaa ne hai ngadaa ai, gai de hodooligi go Ahaz gu kii ange donu dono dee hai hegau ange gi Tagi Maolunga i de muna abodonu.

Exodus 8:15

Aagai ga gidee huu e Pharaoh bolo de hagaduasala laa gu ui gee, gai ia ga hagamakaga ono lodo; ia tee hagallongo ange gi Moses ma Aaron, bei de hai a Tagi Maolunga gu tala ai laa.

Exodus 4:21

Gai Tagi Maolunga ne hai ange gi Moses, “De masavaa naa huu oou e dae ai gi Egypt, gai koe hagassula ina denga sauaa alodahi aagu gu gaavadu gi de goe i mada luu mada o Pharaoh. Aagai au e hagamakaga naa lodo o Pharaoh gi dee dugua ai e ia de gau Israel gi hulo.

Exodus 9:33

Gai Moses ne hano gee mai i daho Pharaoh, ga sao ga hano gee i de aduhale laa, gai ia ga haalo dono lima ga dalodalo ange gi Tagi Maolunga, gai denga hatuli gu dee babaa, denga duudangaa haisi gu helui de too iho, gai gu dee pala hogi de langi i honga de henua.

Exodus 9:35

Gai lodo o Pharaoh gu kii ange donu i de makaga. Ia tee dugu ange donu de gau Israel gi hulo gee, bei de hai a Tagi Maolunga gu tala ange ai laa i daho Moses.

1 Samuel 6:6

Gai ni haigamaiana aha doodou hagamakaga oodou lodo bei de gau Egypt ma Pharaoh? Dua dana hagaduasala gilaadeu, gai gilaadeu ga hagamoolau ga dugu de gau Israel gi hulo.