Exodus 9:27 - De Beebaa Dabu

²⁷ Gai Pharaoh ga aalu Moses ma Aaron ga hai ange gi gilaau, “Au gu haisala donu i de hanonga nei; Tagi Maolunga e heohi, gai go gimaadeu ma dogu huaadangada ne baubau.

Exodus 9:27 Referans Kwoze

Lamentations 1:18

“Tagi Maolunga e heohi, aagai au ne hai baasi ange gi ana muna. Denga huaadangada alodahi, goodou hagalaangona, gai kalo mai diiloo dogu mmae. Agu dama daane ma damaa hine gu gaavee gi dahi henua gee.

Psalm 129:4

Aagai Tagi Maolunga e heohi; ia gu duuduu daula a de gau baubau ma gu hagaola mai au.

2 Chronicles 12:6

Gai denga dagi o Israel ma de hodooligi ne hagamaolalo olaadeu lodo, ga hai ange, “E heohi donu muna a Tagi Maolunga.”

Exodus 10:16

Gai Pharaoh ga hagamoolau ga hagahi Moses ma Aaron, ga hai ange, “Au gu haisala ange gi Tagi Maolunga doodou Maadua aama adu gi gooluu.

Psalm 145:17

Tagi Maolunga e heohi ono haiava alodahi, gai e abodonu i hegau alodahi aana e hai.

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Matthew 27:4

ga hai ange, “Au gu haisala i dagu gaavange tangada e deai ono haisala e daa gi magau.” Gilaadeu ne hai ange gi de ia, “Gai ni aha amaadeu e hai ai? Diiloo be dee hee dau hai e hai ai!”

Daniel 9:14

Deenei ai, Tagi Maolunga ne dagitilo e gaamai de hai ngadaa gi gidaadeu; go hiidinga Tagi Maolunga taadeu Maadua e heohi donu ana hegau alodahi gu hai; aagai gidaadeu tigi hagallongo ange gi de ia.

Numbers 22:34

Gai Balaam ga hai ange gi tangada de langi o Tagi Maolunga, “Au gu haisala, i hiidinga au tee iloo donu bolo koe e duu i lo te haiava, ma e buibui ai au gi dee hano. Deenei ai, noo koe e dee malangilangi, gai au e aahe donu gi dogu hale.”

1 Samuel 26:21

Gai a Saul ga hai ange, “Au gu haisala. David dagu dama, ahe mai. Au gu dee ahe ange naa donu e vaivai hai goe, go hiidinga koe ne hagamogomogo dogu mouli anailaa nei. Tilo, au e iloo bolo au gu hai hegau bei tangada lodo senga, ma de kona mmao dogu haisala.”

1 Samuel 15:24

Gai a Saul ne hai ange gi Samuel, “Au gu haisala, gai au gu hagahaisala muna a Tagi Maolunga aama au muna, i hiidinga au ne madagu i denga daane hebagi, gai au ga hagallongo ange gi gilaadeu.

Psalm 9:16

Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

1 Samuel 15:30

Gai a Saul ga hai ange, “Ni muna abodonu au gu haisala. Gai koe hagadubu ina donu huu au i madamada o denga dagi o dangada ma de gau Israel alodahi. Ahe mai madali au, gai au ga daumaha ange ai gi Tagi Maolunga doo Maadua.”

Exodus 8:8

Gai Pharaoh ne hagahi Moses ma Aaron, ga hai ange, “Dangidangi ange gi Tagi Maolunga ia gi haia gi hulo gee denga kailu mai i ogu daha ma daho dogu huaadangada, gai au ga dugu dangada gi hulo gi haia alaadeu sigidaumaha ange gi Tagi Maolunga.”

Exodus 8:25

Gai Pharaoh ga aalu Moses ma Aaron, ga hai ange, “Goodou hulo donu huu sigidaumaha ange gi doodou Maadua i dahi mommee i honga de henua.”

Exodus 10:17

Gai au e dangidangi adu gooluu gi degi mai gi ogu haisala i de hanonga nei, mage dangidangi ange gi Tagi Maolunga doodou Maadua gi gaavee gee de mee hagamaakau nei mai i ogu daha.”

Numbers 21:7

Gai dangada ga loomai gi daho Moses, ga hai ange, “Gimaadeu gu haisala, i hiidinga gimaadeu gu hagadaumee adu gi gooluu ma Tagi Maolunga. Dangidangi ange gi Tagi Maolunga, ia gi gaavee gee denga labodo hagammau nei i omaadeu daha.” Gai Moses ga dalodalo i hiidinga o dangada.

Joshua 7:20

Gai Achan ga hai ange gi Joshua, “Ni muna abodonu, au gu haisala ange gi Tagi Maolunga, de Maadua o Israel, gai deenei dagu mee gu hai:

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.