Exodus 9:24 - De Beebaa Dabu

²⁴ Gai gu too iho denga duudangaa haisi ma de ahi ula madali denga duudangaa haisi laa. Gai tigi ai ange hegau bee nei gu hai i de henua go Egypt mai i dono daamada age ga dae mai ai gi de laangi laa.

Exodus 9:24 Referans Kwoze

Matthew 24:21

Go hiidinga e kona naa donu de vaivai haia o dangada i de masavaa laa, gai tigi ai ange donu se masavaa bee nei, mai i taamada age o henua i lalo ga dae mai ai gi iainei, gai e deai ange naa hogi se masavaa bee nei i muli mai.

Exodus 10:6

Gilaadeu e loomai naa ga hhao lodo oo hale ma lodo hale o oo dangada hai hegau aama hale o de gau Egypt alodahi; gai oodou damana ma oodou dubuna tee gidee donu hanu hegau bee nei, mai i de masavaa olaadeu ne haanau ai ga dae mai ai gi anailaa nei.’ ” Gai Moses ga huli ga hano gee mai i daho Pharaoh.

Exodus 9:23

Gai Moses ga haalo dono dogo gi lo te moana i lunga; gai Tagi Maolunga ga hagababaa denga hatuli ma de too iho denga duudangaa haisi, gai de ahi ula gu hano iho gi honga de gelegele. Gai Tagi Maolunga ga hai gu too iho denga duudangaa haisi gi honga de henua go Egypt.

Exodus 9:18

Tilo, daiao i de masavaa bee nei, gai au e hai naa gi too iho denga duudangaa haisi nnui ma de daemaha, gai mee nei tigi ai donu se hai i Egypt mai taamada age de dahi o Egypt ga dae mai ai gi iainei.

Exodus 9:25

Gai denga duudangaa haisi laa ne too iho ga oha mee alodahi i lo te duu malaelae tee hagalilo mai laa gi lodo i de henua go Egypt; go dangada ma manu dolodolo, ma manu ssomo vaaligiligi aama manu ssomo nnui i honga de gelegele.

Ezekiel 13:13

Deenei ai, e hagadaba de Ia Aamua go Iahweh: Au e hai naa gi ssau mai de madangi mmahi i dogu bole, ma de hai gi pala iho de langi maadolu madali denga duudangaa haisi ga oha ai de buibui laa.

De Beebaa go Job 38:23

go mee aagu gu dugu ange gi de masavaa hai ngadaa, ma de masavaa o taua ma de hebagi?

Psalm 18:13

Tagi Maolunga e basa mai i de langi bei de babaa denga hatuli, de Ia Maolunga Mmao laa gu hai gi langona dono leo, i magavaa o denga dibadibaa haisi ma denga maga ahi.

Psalm 105:32

Ia ne hagamalili iho denga dibadibaa haisi bei de langi pala, ma de hai gi dabadaba denga uila i honga delaadeu henua.

Isaiah 30:30

Gai Tagi Maolunga e hai naa gi langona e dangada dono leo maolunga, ma de gidee de hagaabo dono lima i dono bole, ma de ahi ula mmahi e duungia laa mee, madali de langi pala, ma de madangi, aama dibadibaa haisi.

Ezekiel 1:4

Gai tilo, au ne gidee de madangi mmahi e humai i ngaiho, gai e dahi hagausinga maadolu e labalaba mai ai denga uila, gai gu kona de maalama luu baasi alodahi. Gai lo te ungaalodo o de ahi laa e dahi mee malamalama bei de baalanga,