Exodus 9:23 - De Beebaa Dabu

²³ Gai Moses ga haalo dono dogo gi lo te moana i lunga; gai Tagi Maolunga ga hagababaa denga hatuli ma de too iho denga duudangaa haisi, gai de ahi ula gu hano iho gi honga de gelegele. Gai Tagi Maolunga ga hai gu too iho denga duudangaa haisi gi honga de henua go Egypt.

Exodus 9:23 Referans Kwoze

Psalm 18:13

Tagi Maolunga e basa mai i de langi bei de babaa denga hatuli, de Ia Maolunga Mmao laa gu hai gi langona dono leo, i magavaa o denga dibadibaa haisi ma denga maga ahi.

Joshua 10:11

Gai de masavaa olaadeu e saavini ai e hulo gee i de gau Israel, i de madadaagodo i Beth Horon, gai Tagi Maolunga ga tili iho denga duudangaa haisi nui i de langi gi olaadeu elunga, ga dae ai loo gi Azekah. Gai ne soa ange gilaadeu ne maakau i hiidinga o denga duudangaa haisi, i gilaadeu a de gau Israel ne daa ga maakau i de gadilaasa.

Ezekiel 38:22

Gai au e hagaduasala naa ia i denga mee hagamaakau, ma de daa ono dangada gi magau; au e hai naa hogi gi pala iho de langi maadolu, ma denga dibadibaa haisi aama denga maga ahi ula gi ono elunga ma honga ono hagabuulinga hebagi aama honga o denga huaadangada soa madali ia.

Isaiah 30:30

Gai Tagi Maolunga e hai naa gi langona e dangada dono leo maolunga, ma de gidee de hagaabo dono lima i dono bole, ma de ahi ula mmahi e duungia laa mee, madali de langi pala, ma de madangi, aama dibadibaa haisi.

Revelation 8:7

Tahi dangada de langi ne ili dana trumpet, gai gu too iho denga duudangaa haisi ma de ahi e hilo laa ma dodo gi henua i lalo. Gai dahi diba i diba e dolu o henua i lalo gu vela, madali dahi diba i diba e dolu o denga manu ssomo, aama denga helii alodahi.

Psalm 148:8

de ahi ma de uila, ma denga snow ma duudangaa haisi, ma de madangi mmahi e daudali i ana muna;

Psalm 77:18

De babaa o au hatuli e ngolo bei de madangi mmahi, au uila e hagamaalama henua i lalo, gai henua i lalo e ngalungalue ma de ngalullulu.

Psalm 29:3

De leo o Tagi Maolunga i honga denga vai; de leo o de Maadua o de mahamaha e bei denga hatuli, Tagi Maolunga i honga vai lagolago.

Revelation 16:21

gai denga dibadibaa haisi nnui, agu made e dagillau pauni de daemaha, gu too iho i de langi gi honga o dangada. Gai dangada ga pasa baubau i de Maadua i hiidinga de kona de hagamaatagu o de mee hagamaakau go denga dibadibaa haisi laa.

Exodus 20:18

Gai ga langona huu e dangada de babaa denga hatuli ma de labalaba denga uila, gai gu ili de hanga manu, ma de buu age o de useahi i honga de mounga, gai gilaadeu gu maatagu ma de bolebole; gai gilaadeu ga hulo ga tuu i de mommee mmao,

Exodus 19:16

Gai taiao huu o de hagadolu laangi, gai gu babaa denga hatuli ma de labalaba denga uila, gai de hagausinga maadolu gu haoli de mounga laa, gai gu kona de nganangana de ili o de hanga manu. Gai dangada alodahi i de mommee nnoho gaainga gu bolebole i delaadeu maatagu.

Revelation 16:18

Gai gu labalaba denga uila, ma de hagalongaa i de babaa o denga hatuli, gai gu kona de ngalungalue o de henua. Tigi ai ange se ngalungalue o de henua bee nei mai i taamada de nnoho o dangada i henua i lalo, i hiidinga de kona de laumalie de ngalungalue o de henua.

Genesis 19:24

Gai Tagi Maolunga ga hagamalili iho gi honga o Sodom ma Gomorrah denga maga ahi kaa ma de ahi mai i de langi.

Exodus 9:18

Tilo, daiao i de masavaa bee nei, gai au e hai naa gi too iho denga duudangaa haisi nnui ma de daemaha, gai mee nei tigi ai donu se hai i Egypt mai taamada age de dahi o Egypt ga dae mai ai gi iainei.

Exodus 9:24

Gai gu too iho denga duudangaa haisi ma de ahi ula madali denga duudangaa haisi laa. Gai tigi ai ange hegau bee nei gu hai i de henua go Egypt mai i dono daamada age ga dae mai ai gi de laangi laa.

De Beebaa go Job 37:13

Ia e gaamai de langi e hagaduasala ai dangada, aabe e hagamaluulu ai de gelegele, e hagaago mai ai dono aloha.

Psalm 147:17

Ia e maga saele ana dibadibaa haisi bei denga hadu vaaligiligi; goai e bau ange gi dana mee hagamagalili?