Exodus 9:21 - De Beebaa Dabu

²¹ aagai dangada alodahi ne hagangadi mee ina laa muna a Tagi Maolunga ne dugu donu huu olaadeu dangada hai hegau ma alaadeu manu haangai i lo te duu malaelae.

Exodus 9:21 Referans Kwoze

Daniel 10:12

Gai ia ga hai mai gi de au, “Daniel, aude madagu. Mai i tahi laangi aau ne ssala ai gi donu ange goe ma de hagamaolalo goe i mada luu mada o doo Maadua, gai ia gu langona au muna, gai au ne humai i hiidinga o au muna.

Ezekiel 40:4

Gai taane laa ne hai mai, “Tama a tangada, galo ange diiloo i luoo ganomada, gai hagalaangona i luoo dalinga ma de daohi mee alodahi aagu gu dai hagaago adu gi de goe, gai aanei hiidinga aagu ne gaamai ai nei goe gi kinei. Gai koe ga tala ange ai gi de gau Israel mee alodahi aau gu gidee.”

Proverbs 24:32

De masavaa aagu ne gidee ai ma de maanadu dagodo o de mee nei, gai au gu ago dahi mee i agu mee ne gidee:

De Beebaa go Job 34:14

Noo de Maadua e hagaahe dono hagasaalunga ma de hagaahe de madangi o dana manava,

De Beebaa go Job 7:17

Se aha donu tangada, gai koe ga hagamogomogo ai ia, gai koe ga anga ange ai gi de ia,

1 Chronicles 22:19

Gai goodou hagammahi saalaa Tagi Maolunga doodou Maadua i oodou lodo ma oodou hagasaalunga alodahi. Goodou ga daamada de hagaduu de mommee dabu o Tagi Maolunga de Maadua, gi maua ai e goodou i de gaamai de ngavesi o de hagatoo donu hagaheloongoi a Tagi Maolunga ma denga goloa dabu o de Maadua gi lo te temple oodou e hagaduu ange gi de ingoo o Tagi Maolunga.”

1 Samuel 4:20

Gai de masavaa oona gu dai magau ai, gai denga haahine e balea ange laa ia ga hai ange, “Aude manavasaa, koe gu haanau dahi dama daane.” Aagai ia tee basa ange aabe ne anga ange gi alaadeu muna.

Exodus 7:23

Gai Pharaoh ga huli ga ahe gi dono hale, ia tee anga ange donu gi mee laa.

Exodus 9:20

Gai de gau hai hegau alodahi o Pharaoh e maatagu laa i muna a Tagi Maolunga ne hagalilo mai olaadeu dangada hai hegau ma alaadeu manu haangai gi lodo hale,

Exodus 9:22

Gai Tagi Maolunga ga hai ange gi Moses, “Haalo ina doo lima gi lo te moana i lunga, gi too iho ai denga duudangaa haisi gi honga de henua alodahi go Egypt; gi honga o dangada, ma manu dolodolo aama honga o denga manu ssomo alodahi i de henua o Egypt.”

Proverbs 22:3

Tangada maanetonu e mmuni i de masavaa aana e gidee ai de mee hagamanavasaa, aagai tangada lodo senga e hagassoe donu huu i dono haiava, gai ia e duasala ai naa donu.