Exodus 8:17 - De Beebaa Dabu

¹⁷ Gai Moses ma Aaron ne hai ga bei muna laa; Aaron ne hai dono dogo ga hagaili ai honga de gelegele, gai denga gelegele gu sui ga ni manu hakadigadi e toga ange gi honga o dangada ma honga o denga manu dolodolo. Gai gelegele alodahi i honga de henua go Egypt gu ni manu hakadigadi.

Exodus 8:17 Referans Kwoze

Psalm 105:31

Ia ne tala de muna, gai gu loomai denga lango lagolago, ma manu vaaligiligi hakadigadi gi honga delaadeu henua.

Acts 12:23

De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.

Isaiah 23:9

De hagatau nei nii Tagi o denga hagabuulinga hebagi gai ia ga oha ai de mahamaha alodahi o Tyre e hagamaolunga ai laa, ma de hai gi hagangadi mee ina gilaadeu alodahi e hagadubulia laa i henua i lalo.

Exodus 8:16

Gai Tagi Maolunga ga hai ange gi Moses, “Hai ange gi Aaron ia gi haia dono dogo gi hagailihia ai honga de gelegele o de henua, gai gelegele alodahi i honga de henua go Egypt e sui naa gi ni manu hakadigadi.”

Exodus 4:23

gai au e hai adu gi de goe: Dugua dagu dama gi hano, gai ia ga daumaha mai ai gi de au. Aagai noo koe e dee dugu ia gi hano, gai au ga daa dau dama daane madua gi magau.’ ”

Exodus 5:1

Gai Moses ma Aaron ga hulo ga hai ange gi Pharaoh, “E hagadaba Iahweh, de Maadua o de gau Israel, ‘Dugua dogu huaadangada gi hulo gi de vao gai gilaadeu ga hai mai ai dahi daonga gi de au.’ ”

Psalm 78:45

Ia ne gaamai denga lango lagolago gi hagaduasala ina gilaadeu, ma kailu gi oohaa delaadeu henua.