Exodus 7:17 - De Beebaa Dabu

¹⁷ E hagadaba Tagi Maolunga: De mee nei se hai gi iloo ai e goe bolo go au donu go Iahweh. Au e hagaili naa honga ssaalingaa vai go Nile i togo i lo togu lima nei, gai denga vai iai e sui naa ga ni dodo.

Exodus 7:17 Referans Kwoze

Exodus 4:9

Aagai noo gilaadeu e dee hagadonusia luu sauaa laa, aabe e dee llodo e hagallongo au muna, gai koe ga asu mai hanu vai i de Nile ga llingi ange gi honga de gelegele, gai vai laa e sui naa ga ni dodo.”

Exodus 7:5

gi iloo ai de gau Egypt bolo go au donu go Iahweh, i de masavaa aagu e hagaduasala ai gilaadeu, ga kave gee de gau Israel mai i olaadeu daha.”

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Ezekiel 39:28

Gai gi iloo ai e gilaadeu bolo go au donu go Iahweh delaadeu Maadua; e dee galemu donu dagu hai gilaadeu gi hulo gi nnoho i magavaa o denga huaahenua, gai au e hagaahe mai donu gilaadeu gi delaadeu henua, au e dee dugu donu dahi gilaadeu gi noho i kilaa.

Ezekiel 38:23

Gai au e hagaago ange naa gi de ia dogu maolunga, aama dogu dabu. Gai au e hai naa gi iloo e gilaadeu ogu dagodo i madamada o denga huaahenua. Gai gi iloo ai e gilaadeu bolo go au donu go Iahweh.’

Psalm 9:16

Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

Revelation 11:6

Gai e dahi donu olaau sauaa e pono ai gi dee pala de langi i laangi olaau e pasa pelaabisi ai, ma de sui ai denga vai gi ni dodo, ma de hai gi loomai gi henua i lalo denga hagadaagangaa mee hagamaakau, i de masavaa alaau e llodo ai.

Revelation 8:8

Gai togolua dangada de langi ne ili dana trumpet, gai dahi mee be se mounga laumalie mmao e ula bei de ahi gu tili ange gi honga tai. Gai dahi diba i diba e dolu o tai gu ni dodo,

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Daniel 5:21

Gai ia gu hai gi hano gee mai i daho dangada, ana maanadu gu bei maanadu a denga manu dolodolo. Ia gu noho madali denga donkey aada ma de gai helii bei denga kaau, gai dono angaanga gu ssui i de mee suungia o de langi, ga dae ai gi de masavaa aana ne donu iho ai bolo go de Maadua Maolunga Mmao laa e dagina denga nohoanga hodooligi o dangada, ma de hilihili tangada aana e lodo e gaavange aagena.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Daniel 4:32

Koe e hano gee naa i daho dangada ga noho madali denga manu aada i lodo henua. Koe e gai naa helii bei denga kaau, ga dae ai gi de odi ange de hidu ngadau, gai koe gu donu iho bolo go de Ia Maolunga Mmao laa e dagina denga nohoanga hodooligi o dangada, gai go ia e dugua ange be goai aana e lodo e gaavange aagena.”

Daniel 4:17

De hagamodu nei se mee ne hagasauaa mai i daho de gau de langi, go de gau dagitilo, gai se hagatau mai i daho de gau dabu, gi iloo ai e dangada alodahi e mouli bolo go de Ia Maolunga Mmao laa e dagina denga nohoanga hodooligi o dangada, gai ia e gaavange be goai aana e lodo e gaavange aagena, ma de hai gilaadeu e lodo maolalo gi dagi ai.’

Ezekiel 32:15

De masavaa naa huu aagu e hai ai de henua go Egypt gi ngadi dagodo, ma de hai gi deai mee i honga de henua laa, i de masavaa aagu e daa ai mee alodahi e mouli i kilaa, gai gi iloo ai e gilaadeu bolo go au donu go Iahweh.’

Ezekiel 30:19

Deenei dagu hai e hagaduasala ai Egypt. Gai gi iloo ai gilaadeu bolo go au donu go Iahweh.”

Ezekiel 30:8

Gai gi iloo ai e gilaadeu bolo go au go Iahweh, i dagu masavaa e dudu ai Egypt ma de daa gi maakau gilaadeu ne balea ange ia.

Ezekiel 29:9

Gai de henua go Egypt e maoha naa ga ngadi dagodo. Gai gi iloo ai e gilaadeu bolo go au donu go Iahweh. Go hiidinga koe ne hagadaba, ‘De Nile niiagu, go au ne haia,’

Psalm 105:29

Ia ne hai alaadeu vai ga ni dodo, gai alaadeu mamu gu maakau.

Psalm 83:18

Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

Psalm 78:44

Ia ne sui denga saalingaa vai gi ni dodo, gai de gau Egypt gu dee maua i de unu ai.

2 Kings 19:19

Gai Tagi Maolunga, demaadeu Maadua, au e dangidangi adu, koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu, Iahweh, de Maadua abodonu.”

1 Kings 20:28

Gai dahi daane o de Maadua ne humai gi daho de hodooligi o Israel, ga hai ange, “E hagadaba Tagi Maolunga, ‘Go hiidinga de gau Syria e maanadu bolo au se maadua niio denga mounga, gai e dee se maadua niio denga mommee soe, deelaa ai, au e dugu adu naa goe gi hagadee kii ina de hagabuulinga hebagi soa nei, gi iloo ai e goodou bolo go au donu go Iahweh.’ ”

Exodus 6:7

Gai au ga hai naa goodou go ogu dangada, gai au go doodou Maadua, gi iloo ai e goodou bolo go au donu go Iahweh doodou Maadua, go au ne gaavee gee goodou mai i mee a de gau Egypt e hagadaemaha ai goodou.

Exodus 1:22

Gai Pharaoh ga hagailoo ange gi dangada alodahi, ga hai ange, “Goodou diiloo mage gaavee denga gauligi daane alodahi e haanau i daho de gau Hebrew, mage dilia ange gi lo te saalingaa vai go Nile, gai hagaola ina alaadeu gauligi haahine.”

Exodus 7:20

Gai Moses ma Aaron ne hai donu ga bei muna a Tagi Maolunga gu tala ange gi gilaau; Aaron ne haalo togo ga hagaili ai honga ssaalingaa vai go Nile i mada i mua o Pharaoh ma ono dangada hai hegau, gai denga vai alodahi o de Nile gu sui ga ni dodo.

Exodus 10:2

gai goodou ga tala ange ai gi langona e oodou dama ma oodou mogobuna dagu hai ne hai ai de gau Egypt, aama mee hagalele mouli aagu ne hai i daho de gau Egypt; gai gi iloo ai e goodou bolo go au donu go Iahweh.”

Ezekiel 25:17

Gai au ga sui ange ai alaadeu hegau, ma de hagaduasala gilaadeu i dogu bole. Gai gi iloo ai e gilaadeu bolo go au donu go Iahweh, i de masavaa aagu e hagaduasala ai gilaadeu.”

Ezekiel 32:6

Au e hagasii saele naa oo dodo i honga de henua ga dae ai gi honga denga mounga, gai denga saalingaa vai e hoohonu naa i oo dodo.