Exodus 6:13 - De Beebaa Dabu

¹³ Gai Tagi Maolunga ga basa ange gi Moses ma Aaron, ga tala ange gi gilaau alaau muna e tala ange gi de gau Israel aama Pharaoh, de hodooligi o Egypt, gai gilaau ga dagi ai dangada Israel ga kave gee mai i de henua go Egypt.

Exodus 6:13 Referans Kwoze

2 Timothy 4:1

Au e tala adu gi de goe i mada luu mada o de Maadua aama Klisdo Iesu, go de ia e hagamodu ina muna o dangada e mouli ma gilaadeu gu maakau, i de masavaa oona e hagasula mai ai, ga hagaduu age dono nohoanga hodooligi.

1 Timothy 6:13

Au e tala hagasoe adu gi de goe i mada luu mada o de Maadua, go de ia ne gaavange de mouli gi mee alodahi aama Klisdo Iesu, go ia ne daalaa hagadonu dagodo o dono gai i mada i mua o Pontius Pilate,

1 Timothy 5:21

Au e hai adu gi de goe i mada luu mada o de Maadua ma Klisdo Iesu aama de gau de langi gu hili laa, koe gi daohia muna nei, gai koe gi dee vae dangada, aabe gi hilihili dangada.

1 Timothy 1:18

Timothy, dagu dama, au e tala adu gi de goe de mee nei, bei dagodo o muna pelaabisi gu tala ai oo dagodo i mua. Gai koe ga daudali ai gi maua ai e goe i de hebagi i de hebagi danuaa,

Psalm 91:11

Gai ia e tala ange naa gi ono dangada de langi oo dagodo, gai gilaadeu ga hagaloosi adu ai goe i mommee alodahi.

Deuteronomy 31:14

Gai Tagi Maolunga ga hai ange gi Moses, “Tilo, gu baa mai de laangi oou e magau ai. Hagahia Joshua ma gooluu loomai gi de hale malo hagabuni, gai au ga hagadabu ai ia.” Gai Moses ma Joshua ne hulo ga tuu i lo te hale malo hagabuni.

Numbers 27:23

Gai ia ga dugu ange luoono lima gi ono elunga, ga hagadabu ia, bei de hai a Tagi Maolunga gu tala ange ai laa.

2 Timothy 2:4

E deai donu se daane e hagadee saohia ange ia gi hegau i de laa tubua, i de masavaa o de hebagi, gai dana mee e hai go de hagamalangilangi donu huu dono dagi.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

Matthew 4:6

ga hai ange gi de ia, “Noo go koe donu Tama Daane a de Maadua, gai koe lele iho. Go hiidinga gu sisi e hai ange, ‘Ia e tala ange naa gi ono dangada de langi oo dagodo, gai gilaadeu ga sigo ai goe i olaadeu lima, gi dee duugia ai doo vae i dahi hadu.’ ”

Numbers 27:19

Gai koe ga hai ia gi duu i mada i mua o tangada haimeedabu go Eleazar, aama de hagabuulingaa dangada alodahi, gai koe ga hagadabu ia i madamada dangada alodahi.

Exodus 6:12

Aagai Moses ga hai ange gi Tagi Maolunga, “De gau Israel e dee hagallongo mai gi de au, gai dee hee naa de hai o Pharaoh e maua ai i de hagallongo agu muna? Au se dangada donu e dee maua i de basa gi danuaa i honga o dangada.”

Exodus 6:14

Gai aanei dagi o denga aamuli o olaadeu dubuna: Dama a Reuben, tama madua a Israel: go Hanok, ma Pallu, ma Hezron, aama Carmi. Aanei denga huaabodu o de aamuli o Reuben.

Exodus 6:26

Aanei Moses ma Aaron a Tagi Maolunga ne hai ange laa, “Gooluu dagina huaadangada o Israel i denga hagabuulinga hebagi mage gaavee gee mai i de henua go Egypt.”