Exodus 40:2 - De Beebaa Dabu

² “Tahi laangi naa huu o tahi malama gai koe ga hagaduu age de tabernacle, go de hale malo hagabuni.

Exodus 40:2 Referans Kwoze

Exodus 26:30

Gai koe ga hagaduu age de tabernacle bei de hagatau gu hagaago adu gi de goe i honga de mounga.

Exodus 13:4

De laangi nei, i de malama go Abib, gai goodou e hulo gee mai i kinei.

Numbers 7:1

De laangi huu a Moses ne hagaduu ai ga lava de tabernacle, ga hagadabu i lolo madali ono goloa alodahi, aama de hagadabu i lolo de mommee o ssigidaumaha ma ono goloa alodahi,

Numbers 1:1

Gai Tagi Maolunga ne hai ange gi Moses i de vao o Sinai i lo te hale malo hagabuni, i tahi laangi o de lua malama o de lua ngadau, i dua delaadeu ssao mai i de henua go Egypt.

Exodus 40:6

Hagaduulia de mommee o ssigidaumaha dudu i ma te haitoga o de tabernacle, go de hale malo hagabuni,

Exodus 36:18

Gai ia ne hai hogi e madalima biini bronze e biini ai denga mee hagalaulau laa, gi buni luu hagabuulingaa malo laa.

Exodus 35:11

go de tabernacle, ma de hale malo, ma malo e odo ai, ma ono mee hagalaulau, ma ono laagau, ma ono laagau hagamakaga, ma ono duludulu ma olaadeu dagelo;

Exodus 30:36

Gai koe ga tugi hanu mee nei gi lligi, ga kave hanu ga dugu i mada i mua o de ngavesi o de tala hagadonu i lo te hale malo hagabuni, go de mommee oogu e hedae adu ai gi de goe; mee nei e dabu mmao adu gi goodou.

Exodus 27:21

Gai de mee dugu laama e hagaduu i lo te hale malo hagabuni, i tua de malo e buibui ai laa de aabi o de ngavesi o de tala hagadonu; gai Aaron ma ana dama daane gi haulasia denga laama i mada luu mada o Tagi Maolunga, gi ula mai i de ahiahi ga dae ai gi taiao. De mee nei se hainga ange gi de gau Israel ma olaadeu atangada alodahi ga hano ai.

Exodus 26:7

Gai koe ga hai hanu malo i huluhulu guudi e odo ai de tabernacle; haia e madaangahulu ma dahi malo laa alodahi.

Exodus 26:1

“Gai koe haia de tabernacle i e madaangahulu malo buibui e hai i linen danuaa e amu ga hilo i huga malo buluu, ma de purple, aama de mmea ga hagalaagii i denga cherubim.

Exodus 19:1

Gai tolu malama huu i dua de ssao o de gau Israel ga hulo gee mai i de henua go Egypt, gai gilaadeu gu tae gi de vao o Sinai, i de laangi laa donu huu hogi.

Exodus 40:1

Gai Tagi Maolunga ga hai ange gi Moses,

Numbers 9:1

Gai Tagi Maolunga ga basa ange gi Moses i de vao o Sinai, i tahi malama o de lua ngadau i dua delaadeu ssao ga hulo gee mai i de henua go Egypt, ga hai ange,

Numbers 9:15

Gai de laangi huu ne duu age ai de tabernacle, gai de hagausinga ne haoli de tabernacle, go de hale malo o de tala hagadonu; gai de ahiahi huu gai gu bei dagodo o de ahi ula i honga de tabernacle ga dae ai gi taiao age.

1 Chronicles 17:5

Au tigi noho donu i dahi hale abodonu, mai i de masavaa aagu ne hagassao mai ai de gau Israel i Egypt, ga dae mai ai gi anailaa nei, aagai au ne noho i lodo hale malo i denga mommee oogu ne hano aagena.

2 Chronicles 29:3

Gai tahi ngadau huu oona ne hodooligi ai i tahi malama, gai ia ga hhuge denga haitoga o de hale o Tagi Maolunga, ga hai ange gu danuaa.

Ezekiel 40:1

Gai taamada huu o de ngadau e madalua ma lima i dua demaadeu gaavee gee i de henua, i de madaangahulu laangi o de malama, i de madaangahulu ma haa ngadau i dua de hagadee kii ina o Jerusalem — de laangi laa gai ssauaa o Tagi Maolunga ne hano iho gi ogu elunga, ga kave au gi kilaa.

Ezekiel 45:18

“E hagadaba de Ia Aamua go Iahweh: Tahi laangi o tahi malama, gai goodou gaamai e dahi kaau daane e deai laa mee baubau i dono angaanga e hai ai ssigidaumaha e hagagilimalali ai de mommee dabu.