Exodus 40:17 - De Beebaa Dabu

¹⁷ Gai tahi laangi huu o tahi malama, i de lua ngadau, gai de tabernacle gu duu age.

Exodus 40:17 Referans Kwoze

Numbers 7:1

De laangi huu a Moses ne hagaduu ai ga lava de tabernacle, ga hagadabu i lolo madali ono goloa alodahi, aama de hagadabu i lolo de mommee o ssigidaumaha ma ono goloa alodahi,

Numbers 9:1

Gai Tagi Maolunga ga basa ange gi Moses i de vao o Sinai, i tahi malama o de lua ngadau i dua delaadeu ssao ga hulo gee mai i de henua go Egypt, ga hai ange,

Exodus 40:16

Gai Moses ne hai ga bei muna alodahi a Tagi Maolunga ne tala ange gi de ia.

Exodus 40:18

De masavaa a Moses ne hagaduu age ai de tabernacle, gai ia ne hagatau denga dagelo i olaadeu mommee, ga velo ange denga laagau gi lodo dagelo laa, gai ia ga hangaabo ange denga laagau hagamakaga, ma de hagatuu age denga duludulu.

Numbers 1:1

Gai Tagi Maolunga ne hai ange gi Moses i de vao o Sinai i lo te hale malo hagabuni, i tahi laangi o de lua malama o de lua ngadau, i dua delaadeu ssao mai i de henua go Egypt.

Numbers 9:15

Gai de laangi huu ne duu age ai de tabernacle, gai de hagausinga ne haoli de tabernacle, go de hale malo o de tala hagadonu; gai de ahiahi huu gai gu bei dagodo o de ahi ula i honga de tabernacle ga dae ai gi taiao age.

Numbers 10:11

Gai de lua ngadau huu, i de madalua laangi o de lua malama, gai de hagausinga gu ngalue gee mai i honga de tabernacle o de tala hagadonu,

Exodus 12:2

“Mai iainei gai de malama nei go doodou dahi malama, gai go de malama e daamada ai doodou ngadau.