Exodus 40:15 - De Beebaa Dabu

¹⁵ ga hagadabu gilaadeu i de lolo bei dau hai ne hagadabu ai delaadeu damana, e hai hegau mai gi de au i hegau a de gau haimeedabu. Gai delaadeu hagadabu i de lolo ange gi hegau o tangada haimeedabu e duudagi naa donu huu i denga atangada alodahi e hano ai.”

Exodus 40:15 Referans Kwoze

Numbers 25:13

Gai se mee ange gi gilaadeu ma dono aamuli e loomai i ono dua, gai se hagatoo donu hagaheloongoi ange gi tuulanga o tangada haimeedabu ga hano ai, go hiidinga ia ne lodo gaiaa i hiidinga o dono Maadua, gai ia ne hai ga maatala haisala o de gau Israel.’ ”

Psalm 110:4

Tagi Maolunga gu hagatoo donu gai ia e dee sui naa donu dana hagatoo donu: “Koe se dangada haimeedabu ga hano ai, bei dagodo o Melkizedek.”

Hebrews 7:7

Gai gidaadeu e iloo bolo tangada maolalo e hagamanuuia i daho tangada e maolunga ange i de ia.

Hebrews 7:3

Ia e deai sono damana aabe se dinana, gai e deai hogi sono atangada. E deai hogi se daamada be se hagaodi o dono mouli, ia e hagadulagi ange gi Tama Daane a de Maadua, ia se dangada haimeedabu ga hano ai e dee ngado mai.

Exodus 30:33

Gai be goai naa huu e hilo ina dahi lolo bee nei, be hulu ai dahi dangada gee, gai ia e vvae gee donu mai i daho de gau Israel.’ ”

Exodus 30:31

Gai koe daalaa ange gi de gau Israel hai ange, ‘De lolo nei se lolo hagasulu dabu i daho oodou atangada alodahi.

Exodus 29:9

ga noonooa olaadeu ungaalodo i mee noonooa, ma de noonooa ange denga goobai gi honga olaadeu biho. Gai gilaadeu ga hai ai hegau a tangada haimeedabu ga hano ai. Deenei dau hai e hagadabu ai Aaron ma ana dama daane.

Exodus 12:14

Gai goodou ga dao de laangi nei, ga hai gi se daonga hagamogomogo ange gi Tagi Maolunga i daho oodou atangada e loomai i muli ga hano ai.

Exodus 28:41

Gai koe ga hakahu ange doo daina go Aaron ma ana dama daane, ga hagasulu gilaadeu i de lolo ma de hagadabu gilaadeu e hai ai de gau haimeedabu, gai gilaadeu ga hai hegau mai ai gi de au i hegau a de gau haimeedabu.

Exodus 40:14

Gai koe ga gaamai hogi ana dama daane ga hakahu ange gilaadeu i malo belee,

Exodus 40:16

Gai Moses ne hai ga bei muna alodahi a Tagi Maolunga ne tala ange gi de ia.

Zechariah 4:14

Ia ne hai mai gi de au, “Aanei luu dangada gu hagadabu laa gi tuu i mada luu mada o de Ia Aamua o henua i lalo alodahi.”