Exodus 39:31 - De Beebaa Dabu

³¹ Gai gilaadeu ga nnoa ange gi ma te goobai malo i dahi duaini buluu, bei de hai a Tagi Maolunga ne tala ange ai gi Moses.

Exodus 39:31 Referans Kwoze

Exodus 28:4

Aanei malo alaadeu e hai: e dahi mee e dau i hadahada, e dahi ephod, e dahi malo laa daha, e dahi malo belee, e dahi goobai malo, aama e dahi mee e nnoa ai lo te ungaalodo. Gilaadeu gi haia malo o doo daina go Aaron ma ana dama daane, e hai hegau mai gi de au i hegau a de gau haimeedabu.

Exodus 28:36

Gai koe ga hai dahi dibaa goolo danuaa, ga maaga ange aagena muna nei: ‘Hagadabu ange gi Tagi Maolunga’, bei de hai e maaga ai de buulei hagailonga.

Exodus 39:30

Gai gilaadeu ne dugidugi dahi dibaa goolo danuaa ga hai ai de hau goolo dabu, ga maaga ange muna nei aagena, “Hagadabu ange gi Tagi Maolunga,” bei de hai e maaga ai laa de buulei hagailonga.

Exodus 39:32

Gai hegau alodahi o de tabernacle, go de hale malo hagabuni, gu lava. Gai de gau Israel ne hai mee alodahi bei de hai a Tagi Maolunga gu tala ange ai laa gi Moses.

Leviticus 8:4

Gai Moses ne hai donu ga bei muna a Tagi Maolunga gu tala ange gi de ia, gai de hagabuulingaa dangada gu hagabuni i de haitoga o de hale malo hagabuni.