Exodus 38:21 - De Beebaa Dabu

²¹ Deenei de hagaoanga o mee ne hagaduu ai de tabernacle, go de tabernacle o de Tala Hagadonu, go mee a Moses ne tala ange gi denga daane o Levi gi siia gi daohia, i lalo o delaadeu dagi go Ithamar, tama daane a Aaron, tangada haimeedabu.

Exodus 38:21 Referans Kwoze

Acts 7:44

Odaadeu dubuna madagidagi ne kave de hale malo o de hagatoo donu hagaheloongoi i de vao. Gai ne hai bei de hai a de Maadua ne tala ange ai laa gi Moses, gai ia ne hai gi bei de ada aana ne gidee laa.

2 Chronicles 24:6

Gai de hodooligi ne hagahi tangada haimeedabu maolunga go Jehoiada ga ssili ange gi de ia, “Gu aha goe tigi hai ai naa daane de aamuli o Levi gi hulo gi hagabudulia mai i Judah ma Jerusalem taagisese gu hagamodu i daho Moses, tangada hai hegau o Tagi Maolunga, ma de gau Israel e hai ai de hale malo o de tala hagadonu?”

Numbers 10:11

Gai de lua ngadau huu, i de madalua laangi o de lua malama, gai de hagausinga gu ngalue gee mai i honga de tabernacle o de tala hagadonu,

Numbers 9:15

Gai de laangi huu ne duu age ai de tabernacle, gai de hagausinga ne haoli de tabernacle, go de hale malo o de tala hagadonu; gai de ahiahi huu gai gu bei dagodo o de ahi ula i honga de tabernacle ga dae ai gi taiao age.

Numbers 1:53

aagai de aamuli o Levi e hagatuu olaadeu hale malo i luu baasi de tabernacle o de tala hagadonu, gi dee hagaduasala ina ai e de Maadua denga hagabuulinga o Israel. Gai go de aamuli o Levi gi diiloo ange, ma de hai hegau alodahi o de tabernacle o de tala hagadonu.”

Numbers 1:50

Aagai koe e hili de aamuli o Levi gi haia hegau o de tabernacle o de tala hagadonu, ma de tilo ange ono goloa alodahi, ma mee alodahi iai. Go gilaadeu e sabaia de tabernacle, ma ono goloa alodahi, ma de hai hegau i ono lodo. Gai gilaadeu gi hagatuulia olaadeu hale malo i luu baasi de tabernacle.

Numbers 18:2

Gai koe gaamai oo daina i de aamuli o Levi, mai i de huaabodu o doo damana, gilaadeu gi balea adu goodou ma au dama, i de masavaa oodou e hegau ai i mada i mua o de hale malo o de tala hagadonu.

Exodus 6:23

Gai Aaron ne hai bodu ange gi Elisheba, tamaa hine a Amminadab, gai se daina hahine niio Nahshon, gai ia ne haanau Nadab, ma Abihu, ma Eleazar aama Ithamar.

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

2 Peter 1:13

Au e maanadu bolo e heohi dagu ahe ange e hagamaanadu adu mee nei gi goodou, i taulooloa dogu mouli i de angaanga nei,

Hebrews 9:11

Aagai de masavaa o Klisdo ne humai ai ga hai tangada haimeedabu maolunga o mee danuaa gu daakodo laa donu iainei, gai ia ne ulu gi lo te hale malo e maolunga ange ma de heohi abodonu ono dagodo, gai e dee se hale malo ne hai i lima o dangada, e bei, e dee se mee ne hai madali mee o henua i lalo nei.

Hebrews 8:2

gai go ia e haia hegau i lo te hale dabu, go de hale malo abodonu a Tagi Maolunga ne hagaduu laa, gai tee hagaduu i lima o dangada.

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

Matthew 17:4

Gai Peter ga hai ange gi de ia, “Tagi Maolunga, e danuaa taadeu nnoho i kinei. Noo koe e lodo, gai au ga hagatuu e dolu baasi hale i kinei: e dahi oou, e dahi o Moses, gai e dahi o Elijah.”

Psalm 15:1

Tagi Maolunga, goai e maua i de noho i doo hale malo? Goai e maua i de noho i honga doo mounga dabu?

De Beebaa go Job 26:1

Gai Job ne basa ange, ga hai ange,

De Beebaa go Job 22:23

Noo koe e ahe mai gi de Ia Mmahi Mmao laa, gai koe e hagadaga age ange naa; noo koe e vvae gee de baubau mai i oo hale,

De Beebaa go Job 11:4

Koe e hagadaba, ‘Agu agoago e heohi; au e gilimalali i mada luoo mada o de Maadua.’

1 Chronicles 6:3

Dama a Amram: go Aaron, ma Moses, aama Miriam. Dama daane a Aaron: go Nadab, ma Abihu, ma Eleazar, aama Ithamar.

Numbers 24:5

Jacob, ga dae laa de mahamaha oo hale malo, Israel, oo mommee nnoho gaainga e mahamaha!

Exodus 40:3

Gai koe ga hhao de ngavesi o de tala hagadonu ga dugu ange gi dono mommee, ga dau age de malo buibui ga buibui ai.

Exodus 26:33

Gai koe ga hai denga biini ga daudau age ai de malo buibui nei, ga gaamai de ngavesi o de tala hagadonu gi lo te mommee gu buibui laa; gai de malo buibui nei ga vvae ai magavaa o de Aabi Dabu ma de Aabi Dabu mmao.

Exodus 25:16

Gai koe ga hhao ange gi lo te ngavesi naa de mee Tala Hagadonu aagu e gaavadu gi de goe.

Revelation 15:5

Dua de mee nei gai au ne gidee de hale malo o de tala hagadonu i lo te hale dabu i de langi gu hhuge,

Exodus 38:20

Gai denga laagau alodahi e daohi ai de tabernacle ma de buibui i luu baasi ni bronze.

Exodus 38:22

Gai Bezalel tama daane a Uri, tama daane a Hur, mai i de aamuli o Judah, ne hai mee alodahi a Tagi Maolunga gu tala ange gi Moses.