Exodus 37:20 - De Beebaa Dabu

²⁰ Gai honga de mee dugu laama iai e haa ubu bei huaala o de almond madali olaadeu gau ma huaala,

Exodus 37:20 Referans Kwoze

Jeremiah 1:11

Gai Tagi Maolunga ne hagaago mai gi de au ana muna, ga ssili mai, “Jeremiah, se aha aau e gidee naa?” Gai au ga hai ange, “Au e gidee de laa o dahi almond.”

Ecclesiastes 12:5

de masavaa olaadeu gu maatagu ai i de mommee maolunga, gai denga mee hagamaatagu gu honga denga haiava; i de masavaa e aala ai hua o de almond, gai de itebuubuu gu tagi luoono vae, gai gu deai donu se lodo e hanage i ono lodo; go hiidinga tangada e hano gi dono mommee e dee ngado mai, gai de gau hinangalosaa e hulo saele i honga haiava;

Numbers 17:8

De laangi mai ange laa, gai Moses ne ulu gi lo te hale malo o de tala hagadonu; gai ia gu gidee bolo togo o Aaron o de aamuli o Levi gu somo ma gu hua, gai gu hanu huaala iai, aama hanu almond.

Exodus 25:33

Gai e dolu hogi ubu bei huaala o de almond, madali denga gau ma huaala i dahi laa, gai e dolu hogi ubu i de baasi ange laa. Denga laa e ono e tuu mai laa i luu baasi de mee dugu laama e hai gi dagodo daudahi.

Exodus 25:31

“Gai koe haia dahi mee dugu laama i goolo danuaa. Haia de haamaa dugidugia ai mee e hai ai de mee dugu laama. Dono dahido, ma de angaanga, ma ono ubu, ma ono gau, ma ono huaala e hai gi buni ma de angaanga.

Exodus 25:34

Gai honga de mee dugu laama e haa ubu bei huaala o de almond iai madali olaadeu gau ma huaala.

Exodus 37:19

Gai e dolu ubu bei huaala o de almond, madali de gau aama de huaala i dahi laa; gai e dolu hogi ubu i de baasi ange laa. Denga laa e ono e tuu mai laa i luu baasi de mee dugu laama e hai gi dagodo daudahi.

Exodus 37:21

gai e dagidahi gau i daahido o denga laa o de mee dugu laama; e dahi gau i lalo luu laa e mmua gi lunga, e dahi i lalo luu laa i lo te ungaalodo, gai e dahi i lalo luu laa e mmua gi lalo — e ono laa i de mee dugu laama.