Exodus 37:16 - De Beebaa Dabu

¹⁶ Gai ia ne hai goloa alodahi o honga teebele i goolo danuaa; go denga gumedi, ma anibada, ma boolo, aama denga ssaa e llingia ai denga sigidaumaha o mee unu.

Exodus 37:16 Referans Kwoze

2 Timothy 2:20

Lo te hale o tangada lava iai denga goloa goolo ma goloa selevaa, aagai iai hogi goloa e hai i laagau ma bela pigi; hanu ni mee ange gi hegau hagamogomogo, gai hanu ange gi hegau i de laa tubua.

2 Kings 12:13

Aagai teai donu sseene ne gaavange laa gi de hale o Tagi Maolunga ne hai ai denga beisini selevaa, ma denga mee diinei laama, ma boolo, ma trumpet, ma goloa goolo, aama goloa selevaa i de hale o Tagi Maolunga;

1 Kings 7:50

denga beisini goolo, ma mee diinei laama, ma boolo, ma gumedi o mee maanongi, ma gumedi goolo e hhao ai maga ahi; duulanga goolo e hagatuu ange aagena laagau o denga abaaba o de aabi i lodo, go de Aabi Dabu mmao, aama abaaba hogi o de mommee e mmua gi daha o de temple.

Exodus 25:29

Gai haia ono beleidi ma ono gumedi, ma ono ubu, aama boolo e llingia ai denga sigidaumaha o mee unu i goolo danuaa.

Exodus 37:15

Ia ne hai hogi denga dogo e saabai ai teebele i laagau acacia, ga haoli i goolo.

Exodus 37:17

Gai ia ne hai hogi dahi mee dugu laama i goolo danuaa. Ia ne hai de haamaa ga dugidugi ai mee e hai ai de mee dugu laama. Dono dahido, ma de angaanga, ma ono ubu, ma ono gau, ma ono huaala e buni ma de angaanga.

Numbers 7:13

Ia ne gaamai e dahi gumedi selevaa baabaa e 130 shekel de daemaha, ma e dahi beisini selevaa e madahidu shekel de daemaha, e hagabau i de hagabaaunga o shekel o de mommee dabu, gai luu gumedi laa ngaadahi e hhao gi hoohonu i pelaoaa lligi gu hilo ma lolo, e hai ai ssigidaumaha o grain;