Exodus 35:25 - De Beebaa Dabu

²⁵ Gai denga haahine alodahi e labagau i de amu ga hilo, ne gaamai hogi alaadeu huga malo buluu ma de purple, ma de mmea, aama linen danuaa.

Exodus 35:25 Referans Kwoze

Philippians 4:3

Au e dangidangi adu hogi gi de goe, dogu soa hai hegau i de mee abodonu, balea ange luu haahine naa, go hiidinga gilaau ne hagaduu ngae ga hai hegau madali au i hegau o de longo danuaa, madali Clement ma ogu soa hai hegau ange laa, go gilaadeu gu daohi olaadeu ingoo i de beebaa o de mouli.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Romans 16:12

Dagu hagaboo ange gi Tryphena ma Tryphosa, go luu hine e mmahi i de hai ange gi Tagi Maolunga. Dagu hagaboo ange gi ssoa hagamogomogo go Persis, go de hine e hagaduu ngae ma e hai hegau ange gi Tagi Maolunga.

Romans 16:6

Dagu hagaboo ange gi Mary, e hagammahi laa ma e hai hegau adu gi goodou.

Acts 9:39

Gai Peter ga hidi age ga hano madali luu daane laa. Gai ga dae huu ia gi kilaa, gai gilaadeu ga kave ia gi de aabi i lunga. Gai denga haahine gu maakau olaadeu bodu ne tuu ma e tangi i ono gaogao, ma de hagaago ange gi de ia denga malo lloa ma malo ange laa, a Dorcas ne hai i de masavaa oona goi mouli ai.

Proverbs 14:1

De hine heiangi e hagaduu age dono hale, aagai de hine lodo senga e oha iho dono hale.

Exodus 36:1

Bezalel, ma Oholiab aama denga labagau alodahi a Tagi Maolunga gu gaavange aagena de hina ma de heiangi, e hai ai denga hagadaagangaa hegau alodahi e hagaduu age ai de mommee dabu, bei de hai a Tagi Maolunga gu tala ange ai.”

Exodus 31:6

Gai tilo, au gu hili hogi Oholiab, tama daane a Ahisamak, mai i de aamuli o Dan. Gai au gu gaavange gi daane heiangi alodahi olaadeu hina e hai ai goloa alodahi aagu gu tala adu gi de koe:

Exodus 28:3

Gai koe ga tala ange gi de gau dui mee, aagu gu gaavange laa de labagau nei aagena, gai gilaadeu ga dui malo o Aaron e hagadabu ai ia gi se dangada haimeedabu e hai hegau mai ai gi de au.

2 Kings 23:7

Gai ia ne oha hogi mommee o denga daane hai be se manu o denga diinonga i lo te hale o Tagi Maolunga, go de mommee a denga haahine e llanga ai mee o tiinonga hahine go Asherah.

Exodus 35:24

Gai dangada alodahi e maua i de daohi age hanu selevaa be ni bronze ne hai hogi dahi sigidaumaha i mee nei ga gaavange gi Tagi Maolunga. Gai dangada alodahi e hanu alaadeu laagau acacia e hai ai de hegau ne gaamai hogi dahi sigidaumaha.

Exodus 35:26

Gai denga haahine alodahi ne lodo malangilangi gai e labagau ne amu ga hilo huluhulu o denga guudi.

1 Chronicles 28:21

Denga hagabuulinga o de gau haimeedabu, ma de aamuli o Levi gu paba ange, e hai hegau alodahi o de hale o de Maadua. Gai denga labagau alodahi e malangilangi laa, gi balea adu goe i hegau nei alodahi. Gai denga dagi ma dangada alodahi gi daudali i au muna alodahi.”