Exodus 34:9 - De Beebaa Dabu

⁹ Gai ia ga hai ange, “Dogu Ia Aamua, noo koe e abodonu mai gi de au, gai au e dangidangi adu gi de goe, dogu Ia Aamua, koe gi humai madali gimaadeu. Ni muna abodonu gimaadeu ni dangada e makaga omaadeu lodo; aagai koe degi mai gi omaadeu baubau ma omaadeu haisala, mage haia gimaadeu go oo dangada donu.”

Exodus 34:9 Referans Kwoze

Psalm 33:12

E manuuia de huaahenua go Tagi Maolunga delaadeu Maadua, ma dangada aana gu hili go ono dangada!

Psalm 94:14

Tagi Maolunga e dee tili donu ono dangada, ia e dee tili donu ana dangada gu hili.

Deuteronomy 32:9

Gai tiba a Tagi Maolunga go dono huaadangada, Jacob go de vaaenga ne bolo ange gi de ia.

Psalm 135:4

Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

Psalm 28:9

Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Exodus 32:9

Gai Tagi Maolunga ne hai ange gi Moses, “Au gu lava donu i dagu gide dagodo o de huaadangada nei, gilaadeu ni dangada donu makaga olaadeu lodo.

Zechariah 2:12

Tagi Maolunga e hai naa Judah go dono boolonga i honga de henua dabu, ma de ahe ange ga hili Jerusalem.

Psalm 78:62

Ia ne dugu ange ono dangada gi de gadilaasa, ia ne lili mmao i dangada aana ne hili.

Exodus 19:5

Gai noo goodou e hagallongo mai gi agu muna ma de daudali i dagu hagatoo donu hagaheloongoi, gai au e hili naa goodou mai i magavaa o denga huaahenua alodahi, e hai ai dogu huaadangada hagamogomogo. Niiogu henua i lalo alodahi,

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Isaiah 48:4

Gai au e iloo bolo koe e makaga oo lodo; doo ua e makaga bei iron, gai doo lae e makaga bei bronze.

Psalm 25:11

Tagi Maolunga, go hiidinga doo ingoo, degi mai gi ogu baubau, gai e lagolago mmao.

Numbers 14:19

Au e dangidangi adu, degi ange gi baubau o de huaadangada nei, bei dagodo de laumalie doo abodonu, bei dau hai gu degi ange ai naa gi de huaadangada nei, mai loo i Egypt ga dae mai ai gi iainei.”

Exodus 34:7

gai ia e dee helui naa donu dono abodonu ange gi dangada i denga atangada soa, ma de degi ange gi olaadeu baubau, ma olaadeu lodo dee heohi aama haisala. Aagai ia e dee degi ange naa donu gi alaadeu hegau baubau; ia e hagaduasala naa denga dama aama mogobuna i hiidinga baubau o olaadeu maadua, ga dae ai loo gi tolu ma de haa atangada.”

Deuteronomy 4:20

Aagai Tagi Maolunga ne poo oodou lima ga hagassao mai goodou i lo te ahi mmahi e hagavaivai ina laa baalanga, go Egypt, ma de hai goodou go de huaadangada o dono boolonga, bei oodou dagodo anailaa nei.

Deuteronomy 9:18

Gai au ne hano ga dagodo i honga de gelegele i mada luu mada o Tagi Maolunga i e madahaa laangi ma e madahaa boo, bei agu hegau gu hai i mua, au tee gaimee donu be ne unu, i hiidinga haisala alodahi oodou gu haisala ai; goodou gu hai dahi baubau laumalie i mada luu mada o Tagi Maolunga ma gu hai ai ia gi lili.

Deuteronomy 9:26

Gai au ne dalodalo ange gi Tagi Maolunga ga hai ange, “Dogu Ia Aamua go Iahweh, aude daia oo dangada donu gi maakau, go dangada aau ne hagaola ga hagassao mai i Egypt i doo lima sauaa mmahi.

Deuteronomy 9:29

Aagai gilaadeu oo dangada ma doo boolonga, go gilaadeu aau ne hagassao mai i doo sauaa ma doo lima mmahi.”

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Exodus 33:12

Gai Moses ga hai ange gi Tagi Maolunga, “Koe ne hai mai au gi gaamai de huaadangada nei, aagai koe tigi tala mai donu be goai aau e hai gi hano madali au. Gai koe gu hai mai hogi, ‘Au e iloo oo dagodo ma de malangilangi i de goe.’