Exodus 34:8 - De Beebaa Dabu

⁸ Gai Moses ga hagamoolau ga ino luoono mada gi honga de gelegele ga daumaha.

Exodus 34:8 Referans Kwoze

Exodus 4:31

Deelaa ai, dangada alodahi gu hagadonusia alaau muna. Gai ga langona huu e de gau Israel bolo Tagi Maolunga gu humai donu ma gu gidee e ia olaadeu hagaduasala, gai gilaadeu ga ino ga daumaha ange gi de ia.

2 Chronicles 20:18

Gai Jehoshaphat ne ino gi lalo ga hagabaa luoono mada gi honga de gelegele, gai dangada o Judah ma Jerusalem alodahi ne ino hogi i mada luu mada o Tagi Maolunga ga daumaha ange gi de ia.

Genesis 17:3

Gai Abram ga ino gu baa luoono mada gi honga de gelegele, gai de Maadua ga basa ange gi de ia, ga hai ange,

Haggai 2:5

Deenei dagu hagatoo donu hagaheloongoi ne hai adu gi goodou i de masavaa oodou ne ssao mai ai i Egypt. Dogu Hagasaalunga e noho i oodou magavaa, goodou aude maatagu!

Genesis 48:12

Gai Joseph ga aau gee gilaau mai i honga luu vae o dono damana, gai ia ga ino gu baa luoono mada gi honga de gelegele.