Exodus 34:10 - De Beebaa Dabu

¹⁰ Gai ia ne hai ange, “Tilo, au e hai dahi hagatoo donu hagaheloongoi madali goe. Au e hai naa denga mee hagalele mouli i madamada o doo huaadangada alodahi, ni mee tigi hai i mua i henua i lalo alodahi, aabe gu hai i dahi huaahenua gee. Gai denga huaadangada alodahi oodou e hulo e nnoho i olaadeu magavaa, e gidee naa hegau hagalele mouli a Tagi Maolunga e hai; go hiidinga se hegau hagamaatagu mmao aagu gu dai hai i oodou daha.

Exodus 34:10 Referans Kwoze

Deuteronomy 10:21

Go ia e heohi doodou tuhi, go ia doodou Maadua, go ia ne haia adu gi goodou denga hegau sauaa ma de hagalele mouli oodou gu gidee naa.

Psalm 77:14

Go koe de Maadua e haia hegau hagalele mouli, gai gu hagaago ange gi denga huaahenua doo mmahi.

Isaiah 64:3

De masavaa aau ne hai ai denga mee hagamaatagu amaadeu tee iloo bolo e hai, koe ne hano iho, gai denga mounga gu ngalungaalue i oo mada i mua.

Psalm 66:5

Loomai diiloo mee a de Maadua gu hai: ana hegau i daho dangada e hagamaatagu mmao.

Jeremiah 32:21

Koe ne hagassao mai oo dangada go de gau Israel i Egypt i sauaa ma mee hagalele mouli i doo lima sauaa ma de mmahi, gai e hagamadagu mmao.

2 Samuel 7:23

Gai goai e bei dagodo o oo dangada go de gau Israel — go de huaahenua i henua i lalo, a de Maadua ne hagaola laa e hai ai ono dangada, gai koe ga hai ai gi maolunga doo ingoo, ma de hai hegau hagalele mouli ma de hagamaatagu, i dau hai gi hulo gee denga huaahenua ange laa ma olaadeu diinonga, mai i daho oo dangada, go dangada aau ne hagaola mai i Egypt?

Psalm 78:12

De Maadua ne hai denga hagailonga i madamada olaadeu dubuna i de henua go Egypt, i mommee go Zoan.

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Deuteronomy 32:30

Dee hee de hai a dahi dangada ne maua ai laa i de doolohi e mano dangada, gai e dogolua dangada ne hagadee kii e dahisemada dangada? Deelaa donu huu noo delaadeu Baba gu tili gilaadeu, gai Tagi Maolunga gu hano gee i gilaadeu.

Joshua 6:20

Gai de masavaa huu a de gau haimeedabu ne ili ai denga hanga manu, gai dangada ga hevaalogi i delaadeu langona de ili de hanga manu, gai de buibui o de aduhale laa gu maoha. Gai denga daane ga saavini age gi lo te aduhale, dahi ma dahi ne hagasoe adu donu huu gi ono mada i mua, gai gilaadeu ga kave de aduhale laa.

Exodus 34:27

Gai Tagi Maolunga ga hai ange gi Moses, “Siia mage daohia muna nei, go hiidinga aanei muna o de hagatoo donu hagaheloongoi aagu gu hai madali goodou ma de gau Israel.”

Psalm 145:6

Gilaadeu e tala naa dagodo sauaa o au hegau hagamaatagu; gai au e tala dagodo o doo maolunga.

Psalm 106:22

ma hegau hagalele mouli i de henua o Ham, ma mee hagamaatagu i gaogao Tai Mmea.

Psalm 76:12

Ia e hagamaolalo dagi o de henua, gai denga hodooligi o henua i lalo e maatagu i de ia.

Psalm 65:5

De Maadua, demaadeu Ia Hagaola, koe ne basa mai gi amaadeu dalodalo i au hegau hagalele mouli, go koe de tali hagalodolodo o henua i lalo alodahi ma mommee mmao i honga tai.

Psalm 147:20

Ia tee hai ange mee nei gi dahi huaahenua gee; gai ana hagamodu, gilaadeu e dee iloo mee nei. Duuhia Tagi Maolunga!

Deuteronomy 4:13

Gai ia gu tala adu gi goodou dana hagatoo donu hagaheloongoi, go de Madaangahulu Hainga, ga hai adu goodou gi daudali ai, gai ia ne sisi ange hogi i honga e lua duu hadu baabaa.

Psalm 68:35

De Maadua, koe e hagamaatagu mmao, i doo mommee dabu; de Maadua o Israel ne gaavange de mmahi ma ssauaa gi dono huaadangada. Hagadegi ina de Maadua!

Exodus 34:28

Gai Moses ne noho i daho Tagi Maolunga i kilaa i e madahaa laangi ma e madahaa boo; gai ia tee gaimee be ne unu. Gai ia ne sisi ange gi honga luu duu hadu laa muna o de hagatoo donu hagaheloongoi, go de Madaangahulu Hainga.

Deuteronomy 9:19

Gai au ne madagu i de bole o Tagi Maolunga, go hiidinga ia gu kona mmao dono lili i goodou, ia ne dai daa donu goodou ga maakau. Aagai Tagi Maolunga ne hagallongo dagu dangidangi i de masavaa laa.

Psalm 72:18

Hagadegi ina Tagi Maolunga de Maadua, de Maadua o Israel, go ia donu huu e haia hegau hagalele mouli.

Psalm 136:4

Go ia donu huu e haia denga hegau hagalele mouli, Dono abodonu e dagodo ga hano ai.

Micah 7:15

“Au e hagaago adu naa agu hegau hagalele mouli, bei de masavaa oou ne sao mai ai i de henua go Egypt.”