Exodus 33:9 - De Beebaa Dabu

⁹ Gai de masavaa naa huu o Moses e ulu ai i de hale malo laa, gai tuludulu hagausinga ga hano iho ga duu i ma te haitoga o de hale malo laa, gai Tagi Maolunga ga basa ange gi Moses.

Exodus 33:9 Referans Kwoze

Psalm 99:7

Ia ne basa ange gi gilaadeu i lo te duludulu hagausinga; gilaadeu ne daohi ana muna, aama ana hainga gu hagasauaa ange gi gilaadeu.

Exodus 31:18

Gai ga lava huu ana muna i de tala ange gi Moses i honga de mounga go Sinai, gai ia ga gaavange luu duu hadu o de tala hagadonu gi Moses, go mee a de Maadua ne sisi i dono lima donu.

Ezekiel 3:22

Gai de lima sauaa o Tagi Maolunga ne hano iho gi ogu elunga i kilaa, gai ia ga hai mai, “Hidi age hannoo gi de geelonga, gai au ga basa adu ai gi de goe.”

Numbers 11:17

Gai au e hano iho naa ga basa adu gi de goe i kilaa; gai au e kave naa hanu mahi mai i daho de Hagasaalunga i oo daha naa ga gaavange gi gilaadeu; gai gilaadeu ga bale adu ai goe ga hagauda daemaha o dangada, gi dee go koe ai donu huu e hagauda ina taemaha naa.

Exodus 34:9

Gai ia ga hai ange, “Dogu Ia Aamua, noo koe e abodonu mai gi de au, gai au e dangidangi adu gi de goe, dogu Ia Aamua, koe gi humai madali gimaadeu. Ni muna abodonu gimaadeu ni dangada e makaga omaadeu lodo; aagai koe degi mai gi omaadeu baubau ma omaadeu haisala, mage haia gimaadeu go oo dangada donu.”

Exodus 34:3

Gai e deai ange donu se dangada e humai madali goe, e deai hogi se dangada e nnoho saele laa honga de mounga alodahi; e deai hogi ssiibi be ni kaau e dugu gi gaimee saele i gaogao de mounga.”

Exodus 33:11

Deenei hugadoo de hai o Tagi Maolunga e huli ange ai ga madaangudu ange gi Moses, bei dagodo o dahi hai soa. Gai de masavaa naa huu o Moses e ahe mai ai gi de mommee nnoho gaainga, gai Joshua, tama daane a Nun, de ia bale o Moses, gai e gauligi mai ange, e dee hano gee donu i de hale malo laa.

Exodus 25:22

Go kilaa, go honga e pono i magavaa luu cherubim i honga de ngavesi o de tala hagadonu, oogu e hedae adu ai gi de goe, gai au ga tala adu ai gi de goe agu muna alodahi ange gi de gau Israel.

Genesis 18:33

Gai ga lava huu de basa ange o Tagi Maolunga gi Abraham, gai ia ga hano gee mai i kilaa, gai Abraham ne ahe hogi gi dono mommee.

Genesis 17:22

Gai ga lava huu olaau pasa, gai de Maadua ga dugu Abraham gai ia ga ahe age gi lunga.

Exodus 33:8

Gai de masavaa naa huu o Moses e sao ai e hano gi de hale malo laa, gai dangada alodahi ne hiihidi age ga tuu i gaogao haitoga o olaadeu hale malo ga haaina adu ai Moses, ga dae ai gi dono hano ga ulu gi lo te hale malo laa.

Exodus 33:10

Gai de masavaa naa huu a dangada e gidee ai tuludulu hagausinga laa gu duu i ma te haitoga o de hale malo, gai gilaadeu alodahi ga hiihidi mai ga duuduli ga daumaha i gaogao haitoga o olaadeu hale malo.

Exodus 34:5

Gai Tagi Maolunga ga hano iho i lo te duludulu hagausinga ga duu madali Moses i honga de mounga, gai ia ga hagailoo dono ingoo go Iahweh.

Deuteronomy 31:14

Gai Tagi Maolunga ga hai ange gi Moses, “Tilo, gu baa mai de laangi oou e magau ai. Hagahia Joshua ma gooluu loomai gi de hale malo hagabuni, gai au ga hagadabu ai ia.” Gai Moses ma Joshua ne hulo ga tuu i lo te hale malo hagabuni.

Deuteronomy 31:15

Gai Tagi Maolunga ga humai gi de hale malo i lo te duludulu hagausinga, gai tuludulu hagausinga laa ne duu i gaogao de haitoga o de hale malo.

Numbers 7:89

Gai de masavaa huu o Moses ne ulu ai gi lo te hale malo hagabuni e basa ange gi Tagi Maolunga, gai ia ne langona dahi leo e basa mai gi de ia i honga de pono o de tala haisala, i honga de ngavesi o de tala hagadonu, i magavaa luu cherubim.