Exodus 33:5 - De Beebaa Dabu

⁵ Go hiidinga Tagi Maolunga gu hai ange gi Moses, “Daalaa ange gi de gau Israel hai ange, ‘Goodou ni dangada makaga oodou lodo; gai noo au e hano madali goodou i dahi damaa masavaa, gai au e daa naa goodou gi odi i de maakau. Deenei ai, goodou aaua gee oodou mee hagalaagii ma mee kahu hagadanuaa, gai au ga hili ai be se aha e hai adu gi goodou.’ ”

Exodus 33:5 Referans Kwoze

Numbers 16:21

“Vaaea gee gooluu mai i de hagabuulingaa dangada naa, gai au ga daa gilaadeu gi maakau iainei donu.”

Psalm 139:23

De Maadua, koe diiloo gi iloo ogu dagodo ma ogu lodo; hagataalea ogu dagodo gi iloo ai dagodo o agu maanadu.

Lamentations 4:6

De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Isaiah 22:12

Gai de Ia Aamua, Tagi o denga hagabuulinga hebagi ne hagahi naa goodou i de laangi laa gi tangi ma de tangi see ma de dahi gi malali oodou biho, aama de kahu i malo daladala.

Psalm 73:19

Gai ne daa hagalele donu delaadeu maakau, ma de gaavee gee alodahi i de mee hagamaakau!

De Beebaa go Job 34:20

Gilaadeu e moolau donu i de maakau i lo te boo, gai dangada e maakau ga dee maaleva; gai de gau mahi gu gaavee gee, gai e dee se dangada ne haia mee nei.

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

Genesis 22:12

Tangada de langi laa ne hai ange, “Aude poo ange gi tama daane naa, aabe gi haia ange dahi mee gi de ia. Iainei gai au gu iloo bolo koe e madagu i de Maadua, go hiidinga koe tee daohi donu dau dama dagidahi i de au.”

Genesis 18:21

Gai au e hano naa e tilo be alaadeu hegau e bei nei donu dagodo muna hagabaubau gu tae adu gi de au. Aagai noo e deai, gai au e iloo naa donu.”

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

Exodus 32:9

Gai Tagi Maolunga ne hai ange gi Moses, “Au gu lava donu i dagu gide dagodo o de huaadangada nei, gilaadeu ni dangada donu makaga olaadeu lodo.

Exodus 33:6

Deelaa ai, de gau Israel ne aau olaadeu mee hagalaagii ma olaadeu malo hagadanuaa, ga daamada mai i de mounga go Horeb ga hulo ai.

Isaiah 48:4

Gai au e iloo bolo koe e makaga oo lodo; doo ua e makaga bei iron, gai doo lae e makaga bei bronze.

Joel 2:12

E hagadaba Tagi Maolunga, “Goodou aahe mai gi de au iainei, i oodou lodo alodahi, goodou hagahiikai, ma de tangi, aama de daemaha oodou lodo.”