Exodus 33:23 - De Beebaa Dabu

²³ Gai au ga aau dogu lima, gai koe e gidee naa dogu dua; aagai e deai donu e maua gi gidee luoogu mada.”

Exodus 33:23 Referans Kwoze

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

Exodus 33:20

Gai ia e hai ange hogi, “Koe e dee maua i de tilo luoogu mada; go hiidinga e deai donu se dangada e gidee au e maua gi mouli!”

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

1 Corinthians 13:12

Iainei gai adaadeu mee e gidee e dee masalaba, bei dagodo o mee i lo te galaasa dilodilo; gai de masavaa laa naa huu, gai gidaadeu gu gidee danuaa donu. Iainei gai dagu iloo e dee honu; aagai de masavaa laa naa huu, gai gu honu danuaa dagu iloo, bei de hai a de Maadua e iloo ai laa ogu dagodo alodahi.

De Beebaa go Job 26:14

Tilo, mee nei go taamada donu huu o ana hegau, e bei taadeu hai e langona ai laa dana damaa musumusu mai. Gai goai e donu ange gi denga hatuli aana e hai i dono mmahi?”

De Beebaa go Job 11:7

E aha, e maua e goe i de ssala gi gidee mee a de Maadua gu hai laa gi dee iloo? E maua e goe i ssala gi iloo de bido laa o de Ia Mmahi Mmao laa?