Exodus 33:22 - De Beebaa Dabu

²² gai de masavaa naa huu o dogu mahamaha e hanadu ai laa oo gaogao, gai au ga hagaduu ange goe gi magavaa o denga hadu, ga haoli goe i dogu lima ga dae ai gi dogu ui gee.

Exodus 33:22 Referans Kwoze

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

Isaiah 2:21

Gai gilaadeu ga saavini e mmuni i lodo haonga i magavaa hadu ma lo te baba i gaogao denga mounga, i hiidinga delaadeu maatagu i Tagi Maolunga, ma de mahamaha o dono maolunga, i de masavaa oona e hidi age ai e hagamaatagu henua i lalo.

Psalm 91:4

Ia e haoli naa goe i lalo ono hulu manu ma de buibui goe i lalo luoono bakau; dono hai hegau i de muna abodonu go doo mee hungihungi ma doo buibui.

1 Corinthians 10:4

gai alodahi ne unu hogi i vai mai i de baasi gi de hagasaalunga; gilaadeu ne unu mai i de hadu a de hagasaalunga ne daudali ange laa i gilaadeu, gai de hadu laa go Klisdo donu.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

2 Corinthians 5:19

deenei tagodo, de Maadua ne hagadanuaa olaau magavaa ma henua i lalo i daho Klisdo, ia tee dau ange olaadeu haisala gi gilaadeu, gai gu dugu mai gi gidaadeu gi agoagona dagodo o de hagadanuaa magavaa.

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Song of Songs 2:3

Dogu dau soa i magavaa o denga dama daane, e bei de apple i magavaa o denga manu ssomo o lodo henua. Au e malangilangi i de noho i lalo dono malu, gai au e hiigai ina ono hua.

Deuteronomy 33:12

Ia ne tala dagodo o Benjamin, ga hagadaba, “De ia o Tagi Maolunga e aloha ai gi nnoho paba; ia e duuli gilaadeu mai i taiao ga boo ai, gai gilaadeu e kage i honga luoono eu.”

1 Kings 19:9

Gai ia ne gidee dahi haonga i gaogao de mounga i kilaa, gai ia ga ulu gi ono lodo ga noho ai. Gai tilo, Tagi Maolunga ne humai ga ssili ange gi de ia, “Elijah, ni aha aau e hai naa i kinei?”

Isaiah 49:2

Ia ne hai dogu ngudu gi kangi bei de gadilaasa, gai ne haoli au i lalo de malu o dono lima; ia ne hai hogi au gi bei dahi dao o de mee hholu gu hakaa ma gu kangi, ma gu hhao gi lo te mommee hhao dao.

Isaiah 51:16

Au gu hhao agu muna gi lo too ngudu, ma de haoli goe i de malu o dogu lima; go au donu ne hagaduulia de langi, ma henua i lalo i olaau mommee, go au ne hagadagodo denga dagelo o henua i lalo, gai go au ne hai ange gi Zion, ‘Go goodou ogu dangada.’ ”