Exodus 33:17 - De Beebaa Dabu

¹⁷ Gai Tagi Maolunga ga hai ange gi Moses, “Au e hai donu gi bei de mee oou gu dangidangi mai ai; go hiidinga au e malangilangi i de goe, gai au e iloo oo dagodo.”

Exodus 33:17 Referans Kwoze

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Exodus 33:12

Gai Moses ga hai ange gi Tagi Maolunga, “Koe ne hai mai au gi gaamai de huaadangada nei, aagai koe tigi tala mai donu be goai aau e hai gi hano madali au. Gai koe gu hai mai hogi, ‘Au e iloo oo dagodo ma de malangilangi i de goe.’

Genesis 19:21

Gai ia ga hai ange gi Lot, “E danuaa, au e dugu adu hogi gi bei dau dangidangi nei; au gu dee oha de aduhale oou e basa ai naa.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

John 16:23

De laangi laa gai goodou e dee dangidangi mai naa gi de au i dahi mee. Ni muna abodonu, ni muna abodonu aagu e hai adu gi goodou, be ni aha naa huu oodou e dangidangi ange ai gi Tamana i ogu hiidinga, gai ia e gaavadu naa donu gi goodou.

Genesis 6:8

Aagai Tagi Maolunga ne malangilangi i Noah.

Genesis 19:19

Tilo, gooluu gu abodonu mai gi de au, dooluu dangada hai hegau, gai dooluu abodonu mai gi de au, gu laumalie mmao i dooluu hagaola dogu mouli. Aagai au e dee maua i de savini e hano gi denga mounga, kana duu mai de hai ngadaa nei gi de au, ga daa au gu magau.

Genesis 18:32

Gai Abraham ne hai ange hogi, “Dogu Ia Aamua, koe gi dee bole, gai au ga ahe ange e basa adu. Noo e dinoangahulu donu huu e gidee i kilaa?” Ia ne hai ange, “Au e dee oha donu de aduhale laa, i hiidinga o tinoangahulu dangada laa.”

Isaiah 45:3

Gai au e gaavadu naa gi de goe denga goloa hagamogomogo e daakodo laa i de mommee gohu, ma goloa lagolago i de mommee e dee gidee laa, gi iloo ai e goe bolo go au donu go Iahweh, de Maadua o Israel, ne hagahia adu goe i doo ingoo.

Deuteronomy 9:19

Gai au ne madagu i de bole o Tagi Maolunga, go hiidinga ia gu kona mmao dono lili i goodou, ia ne dai daa donu goodou ga maakau. Aagai Tagi Maolunga ne hagallongo dagu dangidangi i de masavaa laa.