Exodus 32:5 - De Beebaa Dabu

⁵ Gai ga gidee huu e Aaron, gai ia ga hai dahi mommee o ssigidaumaha ga dugu i mada i mua o de kaau goolo laa. Gai ia ga hai dahi hagailoo ga hai ange, “Daiao gai gidaadeu e hai ange taonga gi Tagi Maolunga.”

Exodus 32:5 Referans Kwoze

2 Kings 10:20

Gai Jehu ne hagadaba, “Hagahia mai dangada gi daumaha ange gi Baal.” Gai gilaadeu ga hagailoo muna nei.

Leviticus 23:37

(Aanei daonga a Tagi Maolunga gu hagailonga, go daonga oodou e hagailoo bolo ni laangi dabu e hagabuni ai goodou, ma de hai ai denga sigidaumaha i de ahi ange gi Tagi Maolunga — go sigidaumaha dudu, ma sigidaumaha o grain, ma sigidaumaha ange laa, aama sigidaumaha o mee unu, bei de hai gu hagatau ange ai gi dahi laangi ma dahi laangi.

Leviticus 23:2

“Basa ange gi de gau Israel hai ange gi gilaadeu: ‘Aanei daonga a Tagi Maolunga, go daonga gu lava i de hagailonga, gai goodou e hagailoo ina laangi dabu e hagabuni ai goodou.

1 Corinthians 5:8

Deenei ai, gidaadeu ga hai Taonga Hagasili, gai e dee hai i mee hagahua duai, be go de mee hagahua go de vaivai hai dangada ma de baubau, aagai e hai i pelaoaa e dee hagahua, go de lodo e gilimalali ma de mee abodonu.

Hosea 8:14

Israel gu ngalo de ia ne haia ia, gai gu hagatuu denga hale danuaa; Judah gu hagalagolago ono aduhale buibui. Aagai au e gaamai naa de ahi gi duungia ono aduhale, gai de ahi e dudu naa ga odi denga mommee buibui makaga.

Hosea 8:11

Ephraim ne hagatuu mommee o ssigidaumaha lagolago ange gi de haisala, aagai mommee nei gu ni mommee o ssigidaumaha e hagahaisala ina ia.

2 Chronicles 30:5

Gai gilaadeu ne hai dahi hagailoo ange gi dangada i de henua alodahi, mai i Beersheba ga dae ai gi Dan, ga hagahi dangada gi loomai gi Jerusalem e dao ai Taonga Hagasili ange gi Tagi Maolunga, de Maadua o Israel. Go hiidinga tigi dao donu Taonga Hagasili madali dangada soa, bei de hai gu sisi ai laa.

2 Kings 16:11

Gai tangada haimeedabu go Uriah ga hagaduu gu lava dahi mommee o ssigidaumaha gu bei de mommee o ssigidaumaha a de hodooligi go Ahaz ne gaamai laa gi de ia i Damascus i mua de ahe mai o Ahaz.

1 Kings 21:9

Gai ia ne sisi i lodo leda laa, ga hai ange, “Goodou hagailoo ina bolo gi haia dahi laangi e hagahiikai ai dangada, gai goodou ga hai Naboth gi noho i dahi mommee o de gau hagadubu i magavaa o dangada.

1 Samuel 14:35

Gai a Saul ga hagaduu dahi mommee o ssigidaumaha ange gi Tagi Maolunga; deenei tahi mommee o ssigidaumaha aana ne hagaduu ange gi Tagi Maolunga.

Leviticus 23:21

Gai goodou ga hagailoo i de laangi laa donu huu, de hai de hagabuni dabu; gai goodou gi dee haia ai dahi hegau daudahi. De mee nei se hainga gu hagasauaa adu gi goodou i mommee alodahi oodou e nnoho ai, i oodou atangada alodahi ga hano ai.

Leviticus 23:4

“ ‘Aanei daonga a Tagi Maolunga gu hagailonga, ni laangi dabu e hagabuni ai goodou, gai goodou ga hagailoo ange gi dangada denga masavaa gu lava i de hagailonga.

Exodus 32:4

Gai Aaron ne kave hakai laa i daho dangada ga hagavaivai, ga hai ai dahi kaau goolo. Gai gilaadeu ga hagataba, “De gau Israel, aanei denga diinonga ne hagassao ina mai goodou i de henua go Egypt.”

Exodus 12:14

Gai goodou ga dao de laangi nei, ga hai gi se daonga hagamogomogo ange gi Tagi Maolunga i daho oodou atangada e loomai i muli ga hano ai.

Exodus 10:9

Gai Moses ga hai ange, “Go gimaadeu alodahi e hulo madali amaadeu gauligi mmodo ma amaadeu dangada maatua, ma amaadeu dama daane ma damaa hine, ma amaadeu ssiibi ma guudi aama kaau, go hiidinga gimaadeu e hulo naa e hai ange taonga gi Tagi Maolunga.”

Exodus 32:6

Gai dangada ne oho age i de laangi i ono dua, ga hai denga sigidaumaha dudu ma de gaamai denga sigidaumaha hagadanuaa magavaa. Gai de huaadangada ga nnoho iho ga gaimee ma de unu, ga lava ga hiihidi age ga hai denga dahulinga baubau.

Exodus 17:15

Gai Moses ga hagaduu dahi mommee o ssigidaumaha ga hagaingoo ange go Iahweh Nissi.