Exodus 32:32 - De Beebaa Dabu

³² Aagai noo koe e malangilangi, gai koe degi ange gi olaadeu haisala; gai noo e deai, gai au e dangidangi adu, sooloa dogu ingoo mai i lo tau beebaa gu sisi ai laa ingoo.”

Exodus 32:32 Referans Kwoze

Psalm 69:28

Sooloa olaadeu ingoo i lo te beebaa o de mouli, gai olaadeu ingoo gi dee sisi madali dangada e heohi laa.

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

Philippians 4:3

Au e dangidangi adu hogi gi de goe, dogu soa hai hegau i de mee abodonu, balea ange luu haahine naa, go hiidinga gilaau ne hagaduu ngae ga hai hegau madali au i hegau o de longo danuaa, madali Clement ma ogu soa hai hegau ange laa, go gilaadeu gu daohi olaadeu ingoo i de beebaa o de mouli.

Romans 9:3

Mee naa go au e hagamalaia ga vvae gee mai i Klisdo e sui ai ogu daina, go ogu dangada i de baasi gi de angaanga.

Daniel 12:1

“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.

Revelation 3:5

Be goai e kii, gai ia e hakahu ange naa i malo tea bei dagodo o de gau nei, gai au e dee ssolo naa donu dono ingoo i de Beebaa o de Mouli. Gai au e tala hagadonu naa ono dagodo i mada luu mada o dogu Damana aama ono dangada de langi.

Psalm 139:16

luoo mada ne gidee mee ne hai ai dogu angaanga. Laangi alodahi gu hagatau mai gi de au gu sisi i dau beebaa, i mua de hagassula dahi mee nei.

Psalm 56:8

Koe e daohi ogu hanonga e silivaahea saele ai, ma de hhao ogu loimada gi lo tau manu hao vai. E aha, e dee gu lava laa i de sisi ma gu daohi mee nei?

Revelation 17:8

De manu alasala aau ne gidee laa nogo mouli i mua, gai gu dee maleva, gai gu dai hanage ange naa i lo te geelonga e deai laa sono dagelo, gai gu baba ange e daa gi magau. Gai dangada i henua i lalo tigi sisi laa olaadeu ingoo i de Beebaa o de Mouli, mai i taamada de hai o henua i lalo, e llele naa olaadeu mouli i delaadeu gidee de manu laa, go hiidinga de manu alasala laa nogo mouli i mua, gai gu dee maleva, gai e ahe ange naa ga mouli age.

Deuteronomy 29:20

Gai Tagi Maolunga e dee degi ange naa donu gi de ia, aagai de lili o Tagi Maolunga ma dono maagoda e hai baasi ange donu gi tangada nei, bei dagodo o de useahi. Gai hagamalaia alodahi gu sisi laa i lo te beebaa nei, e hai ange naa gi de ia, gai Tagi Maolunga e hai naa gi dee manadua dono ingoo i lalo de langi.

Deuteronomy 25:19

Deelaa ai, de masavaa naa huu a Tagi Maolunga doodou Maadua e hai ai goodou ga nnoho paba, i de henua a Tagi Maolunga doodou Maadua e gaavadu gi goodou gi henua ai, gai goodou gu dee maatagu i oodou hagadaumee e nnoho i oodou gaogao, gai goodou ga hai gi deai se dangada Amalek e doe i lalo de langi. Goodou e dee ngalo donu de mee nei!

Deuteronomy 9:14

Aude buibuia ngau, gai au ga hai nei gi odi gilaadeu i de maakau gi deai ai se gilaadeu e doe i honga de henua. Gai au ga hai doo aamuli gi se huaahenua e mmahi ange ma de soa ange i gilaadeu.”

Numbers 14:19

Au e dangidangi adu, degi ange gi baubau o de huaadangada nei, bei dagodo de laumalie doo abodonu, bei dau hai gu degi ange ai naa gi de huaadangada nei, mai loo i Egypt ga dae mai ai gi iainei.”

Exodus 32:10

Deenei ai, hano gee mai i ogu daha, gai au ga daa gilaadeu gi odi i de maakau i hiidinga au gu lili mmao i gilaadeu, gai au ga hai goe gi se huaahenua soa.”

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

Amos 7:2

Gai de masavaa huu alaadeu ne gai ai ga odi denga helii i honga de henua, gai au ga hai ange, “De Ia Aamua go Iahweh, aude haihaia, degi mai gi omaadeu haisala! Dee hee de hai o Jacob e maua ai gi ola? Gai ia e damaa mee!”

Ezekiel 13:9

Gai dogu lima sauaa e hai baasi ange gi denga pelaabisi e gidee laa denga midi hagaago ange hhadu, ma de tala mee tigi loomai i de hadu muna. Gilaadeu e dee dau madali de gau hagasaele o ogu dangada, be sisi olaadeu ingoo madali de gau Israel, aabe hulo gi de henua o Israel. Gai gi iloo ai e goodou bolo go au donu go de Ia Aamua go Iahweh.

Revelation 22:19

Gai be goai e aaua gee dahi mee mai i muna pelaabisi gu sisi i lo te beebaa nei, gai de Maadua e aau gee naa hogi dono duuhanga mai i de manu o de mouli aama mai i de aduhale dabu gu tala laa olaau dagodo i lo te beebaa nei.

Luke 10:20

Aagai goodou gi dee llodo danuaa i de hagallongo adu o denga hagasaalunga baubau gi goodou; aagai goodou llodo danuaa i hiidinga oodou ingoo gu sisi i de langi.”

Numbers 11:15

Noo deenei dau hai e hai ai au, gai au e dangidangi adu koe gi daia donu au gi magau iainei, noo koe e malangilangi i de au, gai koe aude hagaduasala ina au i de mee nei.”

2 Samuel 18:33

Gai de hodooligi gu bolebole, gai ia ga hanage gi de aabi i honga de haitoga o de buibui ga dangi ai. Gai ia ne hano ma de dangi ga hagadaba, “E Absalom, dagu dama, dagu dama go Absalom! Mee naa go au ne magau e dee go koe! E Absalom, dagu dama, dagu dama!”

Isaiah 4:3

Gai tangada e doe i Zion ma de noho i Jerusalem e hagabinga naa bolo e dabu, go dangada alodahi gu daohi olaadeu ingoo bolo e mouli i Jerusalem.

Malachi 3:16

Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.

Malachi 3:17

“Gilaadeu nei ni dangada niiogu, go Tagi o denga hagabuulinga hebagi e hagadaba, i de laangi aagu e hai ai agu hegau. Gai au e hagaola naa gilaadeu, bei de hai a tamana e hagaola ai dana dama e hai hegau ange laa gi de ia.

Numbers 11:25

Gai Tagi Maolunga ga hano iho mai i lo te hagausinga laa ga basa ange gi Moses, gai ia ga kave hanu mahi o de Hagasaalunga i daho Moses ga gaavange gi denga daane maatua e dinohidu laa. Gai de masavaa huu o de Hagasaalunga ne noho ai i olaadeu daha, gai gilaadeu ga pasa pelaabisi, aagai gilaadeu tee aahe ange e pasa pelaabisi i muli mai.