Exodus 32:30 - De Beebaa Dabu

³⁰ De laangi i ono dua, gai Moses ga hai ange gi dangada, “Goodou gu hai dahi baubau laumalie mmao. Gai au ga hanage nei gi daho Tagi Maolunga e tilo be au e maua i de tala oodou haisala.”

Exodus 32:30 Referans Kwoze

1 Samuel 12:20

Gai Samuel ga hai ange gi dangada, “Goodou aude maatagu. Goodou gu hai donu de hegau baubau nei, gai goodou aude daahuli gee mai i de daudali ange i Tagi Maolunga, aagai daumaha ange gi Tagi Maolunga i oodou lodo alodahi.

Numbers 25:13

Gai se mee ange gi gilaadeu ma dono aamuli e loomai i ono dua, gai se hagatoo donu hagaheloongoi ange gi tuulanga o tangada haimeedabu ga hano ai, go hiidinga ia ne lodo gaiaa i hiidinga o dono Maadua, gai ia ne hai ga maatala haisala o de gau Israel.’ ”

Jonah 3:9

Goai e iloo! Kana adu de Maadua e sui naa dana maanadu ga dee hagahai hegau dono lili laumalie mmao, gi dee maakau ai gidaadeu.”

Amos 5:15

Goodou kino i de baubau, gai llodo i tanuaa, hai hegau i de hagamodu heohi i de haitoga o de aduhale. Kana adu Tagi Maolunga, de Maadua o denga hagabuulinga hebagi, e abodonu ange naa gi dangada o Joseph e doe.

2 Kings 17:21

De masavaa aana ne vvae gee ai Israel mai i de huaabodu o David, gai gilaadeu ga hai Jeroboam, tama daane a Nebat gi hodooligi. Gai Jeroboam ne dagi gee de gau Israel gi dee daudali ange i Tagi Maolunga, ma de hai gi kona mmao delaadeu haisala.

2 Samuel 16:12

Kana adu Tagi Maolunga e gidee naa dogu duasala, gai ia ga sui mai ana muna hagamaolunga gu tala nei i de au anailaa nei i tanuaa.”

1 Samuel 12:23

Gai au, au e dee haisala ange naa donu gi Tagi Maolunga ga tuu ai dogu dalodalo i oodou hiidinga. Gai au e agoago adu naa goodou i de mee danuaa aama de mee heohi.

Numbers 16:47

Gai Aaron ne hagassula muna a Moses, ma de savini gi magavaa o de hagabuulingaa dangada laa; aagai tilo, de mee hagamaakau laa gu daamada donu de hai i magavaa o dangada. Gai ia ga dugu ange mee maanongi gi honga maga ahi laa, ga tala ai haisala o dangada.

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Romans 9:3

Mee naa go au e hagamalaia ga vvae gee mai i Klisdo e sui ai ogu daina, go ogu dangada i de baasi gi de angaanga.

Luke 15:18

Au ga hidi age nei e ahe gi daho dogu damana, gai au ga hai ange gi de ia: Dogu damana, au gu haisala ange gi de Maadua aama adu gi de goe.

Luke 7:47

Deenei ai, au e hai adu gi de goe, dono aloha e laumalie, i hiidinga ono haisala e lagolago gai gu degi ange aagena. Aagai tangada ne damaa mee de mee ne degi ange ai gi de ia, e damaa mee hogi dono aloha.”

1 Samuel 2:17

Gai haisala o luu dama laa gu kona mmao de baubau i mada luu mada o Tagi Maolunga; go hiidinga gilaau gu hagangadi mee ssigidaumaha a Tagi Maolunga.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

2 Samuel 12:9

Gai gu aha gu hagangadi mee ai naa goe muna a Tagi Maolunga, ma de hai de hegau baubau nei i mada luoono mada? Koe gu daa ma gu magau Uriah, taane Heth, ma de kave dono bodu ma gu hai bodu ange aagena, aama de hai gi maua e denga daane o Ammon i de daa ia gi magau.

Exodus 32:29

Gai Moses ga hai ange, “Anailaa nei gai goodou gu hagadabu ange goodou gi hegau a Tagi Maolunga, go hiidinga dahi ma dahi gu hai baasi ange donu gi oodou dama ma oodou daina, deelaa ai, ia gu hagamanuuia goodou ailaa nei.”

Psalm 99:6

Moses ma Aaron ni dangada haimeedabu hogi niiona, Samuel se dangada hogi e dalodalo ange gi de ia. Gilaadeu nei ne dalodalo ange gi Tagi Maolunga, gai ia ne basa ange gi alaadeu dalodalo.

1 Samuel 12:17

E aha, e dee deenei de masavaa e hagihagi ai grain? Gai au e dalodalo ange naa gi Tagi Maolunga gi haia gi babaa denga hatuli ma de pala de langi. Gai gi iloo ai e goodou ma de gidee bolo goodou gu hai dahi hegau baubau laumalie i mada luu mada o Tagi Maolunga, i doodou dangidangi i dahi hodooligi.”

1 Samuel 12:19

Gai dangada alodahi ga hai ange gi Samuel, “Dalodalo ange gi Tagi Maolunga doo Maadua, i hiidinga oo dangada hai hegau, gi dee maakau ai gimaadeu; go hiidinga gimaadeu gu hai ma gu kii ange de lagolago omaadeu haisala, i demaadeu dangidangi i dahi hodooligi.”