Exodus 32:16 - De Beebaa Dabu

¹⁶ Gai luu duu hadu laa go de Maadua ne haia, gai go de lima hogi o de Maadua ne sisi ai muna i honga luu duu hadu laa.

Exodus 32:16 Referans Kwoze

Exodus 31:18

Gai ga lava huu ana muna i de tala ange gi Moses i honga de mounga go Sinai, gai ia ga gaavange luu duu hadu o de tala hagadonu gi Moses, go mee a de Maadua ne sisi i dono lima donu.

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

2 Corinthians 3:3

Gai goodou gu hagaago danuaa mai bolo goodou se leda mai i daho Klisdo, go hua o amaadeu hegau. Gai de leda nei tee sisi i denga ink aagai ne sisi i daho de Hagasaalunga o de Maadua e mouli laa, tee sisi hogi i honga denga hadu baabaa, aagai ne sisi i lodo o dangada.

2 Corinthians 3:7

Noo de mee ne hegau ne hidi mai ai laa de magau ne hoda ange laa gi honga hanu hadu ne hai i de mahamaha, gai de gau Israel tee maua i de tilo luu mada o Moses, i hiidinga o de maalama o de mahamaha laa, gai de mahamaha se mee donu ne lilo —

Deuteronomy 10:1

De masavaa laa gai Tagi Maolunga ne hai mai gi de au, “Hoda ina e lua duu hadu baabaa, bei luu duu hadu i taamada, ga gaamai ga humai ai gi ogu daha i honga de mounga. Hagaduulia hogi dahi ngavesi laagau.

Deuteronomy 9:15

Gai au ne ahe iho i de mounga i de masavaa o de ahi e ula ai. Gai au e poo luu duu hadu baabaa iai laa de hagatoo donu hagaheloongoi i lodo luoogu lima.

Exodus 34:4

Gai Moses ga daadaa e lua duu hadu bei luu duu hadu i taamada; gai ia ga oho age i taiao ga hanage gi honga de mounga go Sinai, bei de hai a Tagi Maolunga gu tala ange ai gi de ia, ga dagidagi luu duu hadu laa ga hano ai.

Exodus 34:1

Gai Tagi Maolunga ga hai ange gi Moses, “Daadaa ina e lua duu hadu bei luu duu hadu aagu ne hai i taamada, gai au ga sisi ange muna aagu ne sisi ange gi honga luu duu hadu i taamada aau ne oha laa.

Exodus 32:15

Gai Moses ga huli ga hano iho i de mounga, gai ia e poo luu duu hadu o de tala hagadonu i luoono lima; luu duu hadu laa e sisi ngaadahi luu baasi, baasi lodo ma baasi i tua.

Exodus 32:17

Gai ga langona huu e Joshua leo o dangada e hevaalogi ai, gai ia ga hai ange gi Moses, “Dangada e hevaalogi i de mommee nnoho gaainga bei de hevaalogi i hiidinga o de hebagi.”

De Beebaa go Job 19:24

i dahi goloa iron aabe se goloa lead, ga maaga ange ai gi honga dahi hadu gi daakodo ai ga hano ai!