Exodus 30:35 - De Beebaa Dabu

³⁵ gai koe ga hilo mee ga hai ai dahi vai manongi, bei mee a tangada hai vai manongi e hai. De vai nei e gaavange soolo aagena, gai e masalaba ma de dabu.

Exodus 30:35 Referans Kwoze

Leviticus 2:13

Gai koe gi gaavange soolo gi denga sigidaumaha alodahi e hai i grain; gai koe gi dee ngalo de gaavange soolo gi au sigidaumaha o grain, de mee nei se hagatoo donu hagaheloongoi i oodou magavaa ma doodou Maadua; oodou sigidaumaha o grain e gaavange soolo aagena.

Exodus 30:25

Gai koe ga hilo mee nei e hai ai de lolo hagasulu dabu, bei vai maanongi a de labagau e hai laa; de mee nei se lolo dabu e hagasulu ai.

John 12:3

Gai Mary ga gaamai dahi pauni vai hagamanongi hagao ngadaa mmao e hai i nard ga hagasulu ai luu vae o Iesu, ma de ssolo luoono vae i ono ngaangaaulu. Gai lo te hale laa alodahi gu manongi i de vai laa.

Song of Songs 3:6

Goai deenei e humai nei i de vao bei dagodo o de useahi, gai gu hagamanongi i myrrh ma frankincense, ma denga hagadaagangaa mee hagamanongi a de gau hagao mee?

Song of Songs 1:3

Doo vai hagamanongi e manongi danuaa; doo ingoo e bei de lolo manongi gu llingi laa, deelaa ai, denga damaa hine e aaloha i de goe.

Proverbs 27:9

Lolo ma vai hagamanongi e hagamalangilangi tangada, gai de manongi o ssoa o tangada go ana muna bale danuaa.

Exodus 30:34

Gai Tagi Maolunga ga hai ange gi Moses, “Hagabau ina denga mee maanongi nei i de hagabaaunga daudahi, go stacte, ma onycha, ma galbanum, aama frankincense masalaba,

Exodus 30:36

Gai koe ga tugi hanu mee nei gi lligi, ga kave hanu ga dugu i mada i mua o de ngavesi o de tala hagadonu i lo te hale malo hagabuni, go de mommee oogu e hedae adu ai gi de goe; mee nei e dabu mmao adu gi goodou.

Exodus 28:41

Gai koe ga hakahu ange doo daina go Aaron ma ana dama daane, ga hagasulu gilaadeu i de lolo ma de hagadabu gilaadeu e hai ai de gau haimeedabu, gai gilaadeu ga hai hegau mai ai gi de au i hegau a de gau haimeedabu.

Leviticus 16:12

Gai ia gi haoa gi honu dahi gumedi i denga maga ahi i honga de mommee o ssigidaumaha i mada luu mada o Tagi Maolunga, ma de hhao gi hoohonu luoono lima i denga mee maanongi gu mmili gi lligi; gai ia ga kave mee laa gi lo te malo buibui.

1 Kings 1:39

Gai tangada haimeedabu go Zadok ga kave de hanga manu iai laa lolo, mai i lo te hale malo dabu laa, ga hagadabu ai Solomon. Gai gilaadeu ga ili denga hanga manu, gai dangada alodahi ga hevaalogi ga hagataba, “Gi daulooloa de mouli o de hodooligi go Solomon!”

1 Chronicles 9:30

Aagai go hanu dangada haimeedabu e hilo ina denga mee hagamanongi.

Psalm 133:2

Gai e bei de lolo hagamogomogo e llingi ange laa gi honga de biho o Aaron, ga sali iho gi honga dono gumigumi, ma de loiho gi honga de kala o dono malo.