Exodus 30:20 - De Beebaa Dabu

²⁰ I mua delaadeu hulo e ulu gi lo te hale malo hagabuni, be go de hulo e hagapaa ange gi de mommee o ssigidaumaha, e dudu ai dahi sigidaumaha ange gi Tagi Maolunga, gilaadeu gi hagagilimalali ina gilaadeu i vai, gi dee maakau ai gilaadeu.

Exodus 30:20 Referans Kwoze

Acts 5:5

Gai de masavaa huu a Ananias ne langona ai muna laa, aagai ia gu magau ga baguu gi lalo. Aagai dangada alodahi ne langona mee gu hai laa gu maatagu mmao.

Psalm 89:7

De Maadua se ia hagamadagu ange gi de hagabuulinga hagasaele dabu; gai e hagamadagu ange i gilaadeu madali ia.

1 Chronicles 13:10

Gai Tagi Maolunga gu lili mmao i Uzzah; gai ia ga daa ia gu magau, go hiidinga ia gu poo ange gi de ngavesi laa. Gai ia ne magau donu huu i kilaa i mada luu mada o de Maadua.

1 Samuel 6:19

Aagai Tagi Maolunga ne daa ga maakau hanu dangada o Beth Shemesh, i hiidinga gilaadeu gu tilo mee i lo te ngavesi a Tagi Maolunga. Ne dinohidu ana daane ne daa ga maakau i kilaa. Gai dangada gu tangi i hiidinga ne soa dangada a Tagi Maolunga ne daa ga maakau.

Exodus 12:15

E hidu laangi oodou e gai ai pelaoaa e dee hagahua. Tahi laangi naa huu o denga laangi e hidu nei, gai goodou ga aau gee denga mee hagahua i lodo oodou hale, go hiidinga tangada naa huu e gaina pelaoaa hagahua i denga laangi e hidu nei, gai e vvae gee mai i daho de gau Israel.

Acts 5:10

De masavaa laa donu huu gai de hine laa gu magau ga baguu gi lalo i gaogao luu vae o Peter. Gai denga dama daane gu ulu mai ga gidee e gilaadeu de hine laa gu magau. Gai gilaadeu ga kave ia ga danu i gaogao o dono bodu.

Exodus 30:19

Go kinei o Aaron ma ana dama daane e hhui ai olaadeu lima ma vae.

Exodus 30:21

Gilaadeu gi huuia olaadeu lima ma vae gi dee maakau ai gilaadeu; de mee nei se hainga gu hagasauaa ange gi gilaadeu ga hano ai, ange gi Aaron ma dono aamuli i olaadeu atangada alodahi.”

Exodus 40:31

go vai o Moses ma Aaron, aama dama daane a Aaron e hagagilimalali ai olaadeu lima ma vae.

Leviticus 8:6

Gai Moses ga gaamai Aaron ma ana dama daane ga hagagilimalali gilaadeu i vai.

Leviticus 16:4

Gai ia gi gahu i de malo gahu dabu e hai laa i linen, ma de malo huna linen, ga nnoa lo tono ungaalodo i de malo nnoa linen, ma de hagauda de goobai linen. Aanei denga malo dabu. Gai ia gi gaugau i mua dono gahu i malo nei.