Exodus 30:15 - De Beebaa Dabu

¹⁵ Tangada lava e dee lagolago ange ana mee e daohi age, gai tangada hagaau aloha e dee sogoisi mai ange i de baasi shekel, i de masavaa oodou e daohi age ai mee nei e gaavange gi Tagi Maolunga, e hagao ai oodou mouli.

Exodus 30:15 Referans Kwoze

Numbers 31:50

Deelaa ai, gimaadeu gu gaamai dahi sigidaumaha e gaavange gi Tagi Maolunga, i mee a dahi ma dahi ne mau i goloa goolo — go mee dau i de ua, ma gubu lima, ma buulei maaga, ma hakai dalinga, aama mee dau i ua — e tala ai omaadeu haisala i mada luu mada o Tagi Maolunga.”

Ephesians 6:9

De gau aamua, goodou hai hegau ange hogi bee nei gi oodou dangada hai hegau. Goodou gi dee hagamaatagu ina gilaadeu, i doodou tonu iho bolo goodou ma oodou dangada hai hegau e dahi donu huu oodou Dagi Aamua i de langi, gai ia e dee vae dangada donu.

De Beebaa go Job 34:19

Go ia e dee hilihili dangada ange gi dagi o de henua, gai e dee kii ange dono abodonu ange gi de gau lava i de gau hagaau aloha, go hiidinga go ia ne haia gilaadeu alodahi.

Leviticus 17:11

Go hiidinga de mouli o de mee mouli go lodo dodo iai, gai au gu dugu adu gi goodou e tala ai oodou haisala; i hiidinga go dodo e tala ai haisala o tangada, i hiidinga iai de mouli.

Exodus 30:12

“De masavaa naa huu aau e dau ai de gau Israel, gai dahi ma dahi gi gaamai dahi hagaoanga moona e gaavange gi Tagi Maolunga, gi deai ai se mee hagamaakau e duu ange gi gilaadeu i de masavaa aau e hai ai de hegau nei.

Colossians 3:25

Go hiidinga tangada e haia de baubau e kave naa donu de hagaoanga o ana hegau baubau, gai de Maadua e dee vae dangada donu.

Proverbs 22:2

Tangada lava ma tangada hagaau aloha se dagodo daudahi i de mee nei: go Tagi Maolunga ne haia gilaau ngaadahi.

2 Samuel 21:3

Gai David ne hai ange gi de gau Gibeon, “Se aha aagu e hai e sui ai mee gu hai adu gi goodou, gai goodou ga hagamanuuia ai dangada o Tagi Maolunga?”

Exodus 30:14

Gilaadeu alodahi ne sisi olaadeu ingoo, go dangada gu madalua olaadeu ngadau ga hanage ai, e daohi age dahi sseene e gaavange gi Tagi Maolunga.

Exodus 30:16

Gai koe ga kave sseene nei mai i daho de gau Israel, e hagao ai gilaadeu, ga gaavange e hai ai hegau o de hale malo hagabuni; e hagamaanadu ai de gau Israel i mada luu mada o Tagi Maolunga. De mee nei se mee e tala ai oodou haisala.”

Exodus 38:26

dahi daane e dahi ana beka bei de hagabaaunga o shekel o de mommee dabu, gai denga daane alodahi gu dau i taunga, mai i de madalua ngadau ga hanage ai se 603,550 alodahi.

Ezekiel 45:16

Dangada alodahi o de henua gi gaavange de mee ngadi gaavange nei gi tagi o Israel.