Exodus 30:1 - De Beebaa Dabu

¹ “Gai koe haia dahi mommee o ssigidaumaha o mee maanongi i laagau acacia.

Exodus 30:1 Referans Kwoze

Revelation 8:3

Gai dahi dangada de langi ange laa ne humai ga duu i gaogao de mommee o ssigidaumaha, ma dahi mee goolo e dudu ai laa mee maanongi. Gai gu gaavange gi de ia hanu mee maanongi lagolago mmao, gai ia ga hai ai ssigidaumaha madali dalodalo a dangada o de Maadua alodahi, i honga de mommee o ssigidaumaha goolo i mada i mua o de nohoanga hodooligi laa.

Leviticus 4:7

Gai tangada haimeedabu gi gaavange hogi hanu dodo gi honga denga hanga o de mommee o ssigidaumaha o mee maanongi i mada luu mada o Tagi Maolunga, i lo te hale malo hagabuni. Gai dodo e doe gai ia gi liingia ange gi tahido o de mommee o ssigidaumaha dudu i ma te haitoga o de hale malo hagabuni.

Exodus 40:5

Gai koe ga gaamai hogi de mommee o ssigidaumaha goolo o mee maanongi ga hagaduu i mada i mua o de ngavesi o de tala hagadonu, ma de dau age de malo buibui ga pono ai de haitoga o de tabernacle.

2 Chronicles 26:16

Aagai de masavaa huu o Uzziah ne mmahi, gai ia gu hagamaolunga, ga hidi mai ai dono daia ga magau, go hiidinga ia ne hagangadi mee Tagi Maolunga dono Maadua; ia ne hano ga ulu gi lo te temple o Tagi Maolunga ga dudu ai mee maanongi i honga de mommee o ssigidaumaha o mee maanongi.

1 Kings 6:20

Gai de aabi e mua gi lodo se madalua sugilima de looloa, e madalua sugilima de lahalaha, gai e madalua sugilima tuuduu. Ia ne haoli lo te aabi laa i denga goolo danuaa, ia ne haoli hogi de mommee o ssigidaumaha e hai laa i cedar.

Leviticus 4:18

Gai ia ne gaavange hogi hanu dodo gi honga denga hanga o de mommee o ssigidaumaha i mada luu mada o Tagi Maolunga lo te hale malo hagabuni; gai ia gi gaavee dodo e doe gi liingia ange gi tahido o de mommee o ssigidaumaha dudu i ma te haitoga o de hale malo hagabuni.

Exodus 30:10

Dahi hanonga i de ngadau, gai Aaron e hagagilimalali hanga o de mommee o ssigidaumaha o mee maanongi, i dodo o ssigidaumaha e tala ai laa haisala. De mee nei e hai, i ngadau alodahi ange gi denga atangada e loomai. De mommee nei e dabu mmao ange gi Tagi Maolunga.”

Hebrews 9:4

gai e dugu ai de mommee o ssigidaumaha goolo e dudu ai laa mee maanongi, ma de ngavesi o de hagatoo donu hagaheloongoi e haoli alodahi laa i goolo. Gai ono lodo iai de ssaa goolo e hhao ai laa denga manna, ma togo o Aaron ne matili age laa, aama luu dibaa hadu baabaa e sisi ai laa de hagatoo donu hagaheloongoi.

Exodus 30:2

Haia gi tuu dege; de looloa ma de lahalaha se dahi sugilima, gai dono duuduu se lua sugilima. Gai haia denga hanga e haa gi buni ma de mommee o ssigidaumaha.

Exodus 35:15

ma de mommee o ssigidaumaha o mee maanongi, ma luu dogo e saabai ai, ma de lolo hagadabu, ma mee maanongi, ma de malo e buibui ai de haitoga o de tabernacle,

Numbers 3:31

Gai go gilaadeu e diiloo ange de ngavesi o de hainga, ma teebele, ma de mee dugu laama, ma denga mommee o ssigidaumaha, ma denga goloa o de mommee dabu e hai ai laa hegau a de gau haimeedabu, ma de malo buibui o de aabi i lodo, ma hegau alodahi e hai ange gi mee nei.

1 Kings 6:22

Gai ia ne haoli lo te hale laa alodahi i goolo. Ia ne haoli hogi de mommee o ssigidaumaha i lo te aabi e mua gi lodo i goolo.

1 Kings 7:48

Solomon ne hai hogi goloa alodahi i lo te hale o Tagi Maolunga: go de mommee o ssigidaumaha goolo; teebele goolo e dugu ai pelaoaa i Mada Luoono Mada;

1 Chronicles 6:49

Aagai go Aaron ma ana dama daane ne haia denga sigidaumaha i honga de mommee o ssigidaumaha dudu, ma de mommee o ssigidaumaha o mee maanongi ma mee alodahi e hai i de Aabi Dabu mmao, e hagao ai haisala o Israel, bei dagodo mee alodahi a Moses, tangada hai hegau o de Maadua gu tala ange ai.

1 Chronicles 28:18

ma taemaha o goolo ne hai ai de mommee o ssigidaumaha o mee maanongi; ma dana hagatau e hai ai de hada goolo o denga cherubim e doha laa olaau bakau ma e haoli ai de ngavesi o de hagatoo donu hagaheloongoi a Tagi Maolunga.

Ezekiel 41:22

Gai e dahi mommee o ssigidaumaha ne hai i laagau i kilaa; e dolu sugilima tuuduu, gai e lua sugilima de looloa ma de lahalaha; gai denga dege, ma tagelo, aama luu baasi e hai i laagau. Gai taane laa ne hai mai gi de au, “Deenei teebele i mada luu mada o Tagi Maolunga.”

Exodus 31:8

ma teebele ma ono goloa, ma de mee dugu laama goolo ma ono goloa alodahi, ma de mommee o ssigidaumaha o mee maanongi,

Exodus 39:38

ma de mommee o ssigidaumaha goolo, ma de lolo hagadabu, ma mee maanongi, ma de malo e dau i ma te haitoga o de hale malo;

Numbers 4:11

Gai gilaadeu gi haolia hogi honga de mommee o ssigidaumaha goolo i dahi malo buluu, ga hoolaa ange gi ono elunga dahi malo gili kaau lausedi, ga velo ange luu laagau e saabai ai laa gi olaau duulanga.