Exodus 3:18 - De Beebaa Dabu

¹⁸ Gai gilaadeu e hagallongo adu naa gi de goe; gai goodou ma denga daane maatua o de gau Israel ga hulo ga hai ange gi de hodooligi o Egypt, ‘Iahweh, de Maadua o de gau Hebrew, gu hakide mai gi gimaadeu. Gai dugua mai e dolu laangi e hulo ai gimaadeu gi de vao, e sigidaumaha ange ai gi Tagi Maolunga, demaadeu Maadua.’

Exodus 3:18 Referans Kwoze

Exodus 9:1

Gai Tagi Maolunga ga hai ange gi Moses, “Hannoo gi daho Pharaoh, hai ange gi de ia: ‘E hagadaba Tagi Maolunga de Maadua o de gau Hebrew: Dugua dogu huaadangada gi hulo gi daumaha mai gi de au.

Exodus 7:16

Gai koe ga hai ange gi de ia, ‘Iahweh, de Maadua o de gau Hebrew, ne hai au gi humai gi oo daha, gi hai adu: Dugua dogu huaadangada gi hulo gi daumaha mai gi de au i de vao. Gai tilo, koe tigi hagallongo mai donu ga dae mai ai gi iainei.

Exodus 10:3

Gai Moses ma Aaron ga hulo gi daho Pharaoh, ga hai ange gi de ia, “E hagadaba Tagi Maolunga de Maadua o de gau Hebrew, ‘Dee hee maa taulooloa dau dee lodo e hagamaolalo goe i mada luoogu mada? Dugua dogu huaadangada gi hulo, gi maua ai e gilaadeu i de daumaha mai gi de au.

Exodus 9:13

Gai Tagi Maolunga ne hai ange gi Moses, “Oho age i taiao hannoo duu i mada i mada o Pharaoh, hai ange gi de ia, ‘E hagadaba Tagi Maolunga, de Maadua o de gau Hebrew: Dugua dogu huaadangada gi hulo gi daumaha mai gi de au.

Psalm 110:3

Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

2 Chronicles 30:12

Gai de Maadua ne bale ange hogi dangada e nnoho i Judah, ga hai gilaadeu gi buni i de hai mee alodahi a Tagi Maolunga gu tala i daho de hodooligi ma denga dagi o de henua.

Joshua 1:17

Gai gimaadeu e hagallongo adu naa donu hogi gi de goe, bei demaadeu hai ne hagallongo ange ai laa gi Moses i mee alodahi. Gai Tagi Maolunga doo Maadua gi noho i oo daha, bei dono hai ne noho ai laa hogi i daho Moses!

Numbers 17:4

Gai koe ga dugu mee nei i lo te hale malo hagabuni, i mada i mua o de ngavesi o de tala hagadonu, i de mommee oogu e hedae adu ai gi de goodou.

Exodus 30:6

Gai koe ga kave de mommee o ssigidaumaha laa ga hagaduu i tua de malo buibui o de aabi o de ngavesi o de tala hagadonu, ma de pono o de tala haisala, go kilaa oogu e hedae adu ai gi de goe.

Exodus 25:22

Go kilaa, go honga e pono i magavaa luu cherubim i honga de ngavesi o de tala hagadonu, oogu e hedae adu ai gi de goe, gai au ga tala adu ai gi de goe agu muna alodahi ange gi de gau Israel.

Exodus 19:1

Gai tolu malama huu i dua de ssao o de gau Israel ga hulo gee mai i de henua go Egypt, gai gilaadeu gu tae gi de vao o Sinai, i de laangi laa donu huu hogi.

Exodus 4:31

Deelaa ai, dangada alodahi gu hagadonusia alaau muna. Gai ga langona huu e de gau Israel bolo Tagi Maolunga gu humai donu ma gu gidee e ia olaadeu hagaduasala, gai gilaadeu ga ino ga daumaha ange gi de ia.

Exodus 4:24

Gai gilaadeu ne sseni i dahi mommee i gaogao de haiava, gai Tagi Maolunga ne hakide ange gi Moses i kilaa, gai ia ne dai daa donu ia ga magau.

Exodus 3:16

Gai koe hannoo hagabuni ina denga dagi o Israel, hai ange gi gilaadeu, ‘Iahweh, de Maadua o oodou dubuna madagidagi, go de Maadua o Abraham, ma Isaac, aama Jacob, ne hakide mai gi de au, ga hai mai: Au gu hano iho ma gu gidee mee alodahi gu hai adu gi goodou i Egypt.

Exodus 3:12

Gai de Maadua ga hai ange, “Au e noho naa donu madali goe. Gai deenei de hagailonga e hagadonu ai bolo go au donu ne haia goe gi hano: de masavaa naa huu aau e hagassao mai ai de gau Israel i Egypt, gai goodou e loomai naa ga daumaha mai gi de au i honga de mounga nei.”

Genesis 48:3

Gai Jacob ga hai ange gi Joseph, “De Maadua Mmahi Mmao laa ne hakide mai gi de au i Luz, i de henua go Canaan, ma de hagamanuuia ai au i kilaa.

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Genesis 12:1

Gai Tagi Maolunga ga hai ange gi Abram, “Hano gee mai i doo henua, ma oo dangada, ma de huaabodu o doo damana, gai koe hannoo gi de henua aagu e hagaago adu gi de goe.

Jeremiah 26:5

ma de hagallongo ange gi muna a ogu dangada hai hegau go denga pelaabisi, aagu gu dee modu laa de hai gi loadu gi oodou daha, aagai goodou tigi hagallongo ange donu gi gilaadeu;

Jeremiah 2:6

Gilaadeu tee hagataba hogi, ‘I hee iai Tagi Maolunga go de ia ne hagassao ina mai gimaadeu i Egypt, ga dagi mai gimaadeu i de vao, ma lo te henua e deai mee e ssomo ai gai iai denga geelonga, se henua e deai vai iai ma de gohu boo dangodango, se henua e deai dangada e seesee ai gai e deai dangada e nnoho ai?’

Jeremiah 2:2

“Hannoo daalaa ange gi langona e dangada o Jerusalem, hai ange: ‘E hagadaba Tagi Maolunga, Au e manadua dau hagadubu au i doo masavaa e dama daane ai, ma doo aloha i de au bei de hine gu dai hai bodu, ma doo daudali mai i de au i de vao, go de mommee e deai mee ssomo ai.

Isaiah 64:5

Koe e abodonu ange gi tangada e malangilangi i de hai de mee heohi, ma gilaadeu e manadua au hai haingaa mee. Aagai ga daulooloa huu demaadeu haisala ange gi mee nei, gai koe gu lili. Dee hee ai naa demaadeu hai e ola ai?

Exodus 30:36

Gai koe ga tugi hanu mee nei gi lligi, ga kave hanu ga dugu i mada i mua o de ngavesi o de tala hagadonu i lo te hale malo hagabuni, go de mommee oogu e hedae adu ai gi de goe; mee nei e dabu mmao adu gi goodou.

Genesis 14:13

Gai dahi daane ne ola ga hano ga tala ange gi Abram, taane Hebrew. De masavaa laa gai Abram e noho i gaogao denga oak nnui o Mamre, taane Amor, go taina daane o Eshcol ma Aner; gilaadeu nei alodahi ne hagabuni ange gi Abram.

Exodus 4:1

Gai Moses ga ssili ange hogi, “Gai ni aha naa aagu ga hai noo gilaadeu e dee hagadonusia agu muna, aabe e dee hagallongo mai gi de au, ga hai mai bolo Tagi Maolunga tigi hakide mai donu gi de au?”

Exodus 5:1

Gai Moses ma Aaron ga hulo ga hai ange gi Pharaoh, “E hagadaba Iahweh, de Maadua o de gau Israel, ‘Dugua dogu huaadangada gi hulo gi de vao gai gilaadeu ga hai mai ai dahi daonga gi de au.’ ”

Exodus 5:3

Gai gilaau ga hai ange, “De Maadua o de gau Hebrew gu hakide mai gi gimaau. Deelaa ai, dugua mai gimaadeu gi hulo gi de vao i e dolu laangi e daumaha ange ai gi Tagi Maolunga, demaadeu Maadua, kana daia e ia gimaadeu i de mee hagamaakau be go de gadilaasa.”

Exodus 8:1

Gai Tagi Maolunga ga hai ange gi Moses, “Hannoo hai ange gi Pharaoh, ‘E hagadaba Tagi Maolunga: Dugua dogu huaadangada gi hulo gi daumaha mai gi de au.

Exodus 8:20

Gai Tagi Maolunga ga hai ange hogi gi Moses, “Oho age i taiao daiao mage hannoo daalia Pharaoh, i de masavaa oona e hano ai gi de vai, ga hai ange gi de ia, ‘E hagadaba Tagi Maolunga: Dugua dogu huaadangada gi hulo gi daumaha mai gi de au.

Exodus 17:5

Gai Tagi Maolunga ga hai ange gi Moses, “Gaavee hanu dagi o de gau Israel ma goodou hulo i mua o dangada. Gai koe gaavee hogi madali goe togo aau ne hagaili ai laa honga ssaalingaa vai go Nile.

Exodus 4:23

gai au e hai adu gi de goe: Dugua dagu dama gi hano, gai ia ga daumaha mai ai gi de au. Aagai noo koe e dee dugu ia gi hano, gai au ga daa dau dama daane madua gi magau.’ ”

Exodus 8:23

Gai au e hai naa gi dagodo gee dagu hai e hai ai dogu huaadangada ma doo huaadangada. Gai de hagailonga nei e hai naa daiao.’ ”