Exodus 3:15 - De Beebaa Dabu

¹⁵ Gai de Maadua ne hai ange hogi gi Moses, “Aanei au muna e tala ange gi de gau Israel, ‘Iahweh, de Maadua o oodou dubuna madagidagi, de Maadua o Abraham, ma de Maadua o Isaac, aama de Maadua o Jacob ne haia ngau gi humai.’  Gai deenei dogu ingoo ga hano ai, gai deenei de ingoo oodou e hagamaanadu ai au i daho oodou atangada alodahi.

Exodus 3:15 Referans Kwoze

Hebrews 13:8

Iesu Klisdo go tagodo mau donu huu anaahi, ma anailaa nei ga hano ai e dee ngado mai.

Malachi 3:6

“Go au go Iahweh, au e dee sui donu. Deelaa ai, goodou denga hagadiilinga o Jacob tee odi i de maakau.

Hosea 12:5

Tagi Maolunga, de Maadua o denga hagabuulinga hebagi, gai dono ingoo hagamaanadu go Iahweh!

Micah 4:5

Denga huaahenua alodahi e daudali ange naa i de ingoo o olaadeu diinonga; gai gimaadeu e daudali i de ingoo o Tagi Maolunga demaadeu Maadua, ga hano ai e dee ngado mai.

Exodus 3:6

Go au de Maadua o oo dubuna madagidagi; go au de Maadua o Abraham, ma de Maadua o Isaac, aama de Maadua o Jacob.” Gai Moses ga haoli luoono mada, go hiidinga ia gu madagu i de galo ange e tilo de Maadua.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Psalm 102:12

Aagai koe, Tagi Maolunga, e hodooligi ga hano ai; doo ingoo e dee ngalo naa donu i daho denga atangada alodahi.

Psalm 135:13

Tagi Maolunga, doo ingoo e dagodo ga hano ai, Tagi Maolunga, atangada alodahi e hagamaanadu doo ingoo.

Acts 7:32

‘Go au de Maadua o oo dubuna madagidagi, go de Maadua o Abraham, ma Isaac, aama Jacob.’ Gai Moses gu bolebole ma de madagu, ia gu dee maua i de galo ange e tilo de mee laa.

Deuteronomy 1:11

Gai Tagi Maolunga, de Maadua o oodou dubuna, ne hai gi kii ange doodou soa ma de hagamanuuia goodou, bei dana hai gu hagatoo donu adu ai gi goodou.

Exodus 4:5

⌊Tagi Maolunga ne hai ange hogi,⌋ “De mee nei se hai gi hagadonusia ai e gilaadeu bolo se muna abodonu Tagi Maolunga, de Maadua o oodou dubuna madagidagi go Abraham, ma Isaac, aama Jacob gu hakide adu donu gi de goe.”

Isaiah 63:12

gai go de ia ne hagahai hegau ina dono lima sauaa i daho Moses, ma de vvae lua de vai i olaadeu mada i mua, ga hagamaolunga ai dono ingoo ga hano ai?

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Psalm 72:17

Dono ingoo gi dagodo ga hano ai, gai ono longo gi dele saele i taulooloa de sobo age o de laa. Dangada e manuuia naa i ono hiidinga, gai denga huaahenua alodahi e hagataba naa bolo ia e manuuia.

2 Chronicles 28:9

Aagai e dahi pelaabisi o Tagi Maolunga, dono ingoo go Oded, ia ne hano e hedae ange gi de hagabuulinga hebagi i de masavaa olaadeu ne aahe mai ai i Samaria. Gai ia ne hai ange gi gilaadeu, “Tilo, go hiidinga Tagi Maolunga, de Maadua o oodou dubuna ne lili i dangada o Judah, gai ia ne dugu adu goodou gi hagadee kii ina gilaadeu. Gai goodou ne daa gilaadeu ga maakau i doodou llili, gai de mee nei gu dae age gi de langi.

Matthew 22:32

‘Go au de Maadua o Abraham, ma de Maadua o Isaac, aama de Maadua o Jacob.’  Ia e dee se Maadua niio de gau maakau, aagai se Maadua niio dangada e mouli laa.”

Deuteronomy 4:1

De gau Israel, goodou hagalaangona ange hainga gu hagasauaa, ma hagamodu aagu e agoago adu ai goodou. Gai goodou daudali i mee nei, gi mouli ai goodou ma de hulo gi tae, e kave de henua a Tagi Maolunga, de Maadua o oodou dubuna madagidagi, e gaavadu gi goodou.

Deuteronomy 1:35

“E deai donu se dangada daudahi mai i de atangada baubau nei e gidee de henua aagu gu hagatoo donu e gaavange gi oodou dubuna madagidagi.

Acts 3:13

De Maadua o Abraham, ma Isaac aama Jacob, de Maadua o odaadeu dubuna madagidagi, gu hagamahamaha dono dangada hai hegau go Iesu, go de ia oodou ne gaavange ga daa gi magau ma de hagangadi mee i mada i mua o Pilate, e dee galemu donu dana hagatale de hagaola ia.

Hebrews 11:16

Aagai deenei tagodo, gilaadeu ne llodo mmao i de henua e danuaa ange — go de henua i de langi. Deelaa ai, de Maadua e dee dogaa donu i de hagabinga go delaadeu Maadua, go hiidinga ia gu hagadabena ange dahi aduhale gi gilaadeu.

Genesis 24:12

Gai ia ga dalodalo ga hagadaba, “Tagi Maolunga, de Maadua o dogu dangada aamua go Abraham, au e dangidangi adu, haia gi ssula danuaa dagu hegau ailaa nei, gai abodonu ange gi dogu dangada aamua go Abraham.

Exodus 3:13

Moses ne hai ange gi de Maadua, “Gai noo au e hano ga hai ange gi de gau Israel, ‘De Maadua o oodou dubuna madagidagi ne hai au gi humai gi oodou daha,’ gai gilaadeu ga ssili mai naa, ‘Gai goai donu de ingoo o de Maadua naa?’, gai aahee agu muna e tala ange gi gilaadeu?”

Exodus 4:1

Gai Moses ga ssili ange hogi, “Gai ni aha naa aagu ga hai noo gilaadeu e dee hagadonusia agu muna, aabe e dee hagallongo mai gi de au, ga hai mai bolo Tagi Maolunga tigi hakide mai donu gi de au?”

Exodus 6:2

Gai de Maadua ga hai ange hogi gi Moses, “Go au donu go Iahweh;

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Exodus 15:3

Tagi Maolunga se daane dau i de hebagi, gai dono ingoo go Iahweh.

Leviticus 24:11

Gai tama daane a de hine Israel laa ne hagangadi mee de ingoo o Tagi Maolunga. Gai gilaadeu ga gaamai ia gi Moses. Gai de ingoo o dono dinana go Shelomith, tamaa hine a Dibri, mai i de aamuli o Dan.

Psalm 30:4

Daahili ma de tuhi Tagi Maolunga, goodou ono dangada dabu; gai duuhia dono ingoo dabu.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Isaiah 26:8

Tagi Maolunga, de masavaa omaadeu e daudali ai i au muna gu hagamodu, gai go koe donu demaadeu tali. Gai demaadeu mee e llodo mmao ai go de hagadeledele danuaa o doo ingoo.

Isaiah 42:8

Go au go Iahweh; deenei dogu ingoo! Au e dee gaavange naa donu dogu mahamaha gi dahi dangada gee, aabe e gaavange dogu tuhi gi denga diinonga.

Jeremiah 33:2

“E hagadaba Tagi Maolunga, de ia ne haia henua i lalo, go Tagi Maolunga ne hagadau ina ma de hai gi dahi — dono ingoo go Iahweh:

Daniel 2:23

De Maadua o ogu dubuna, au e hagaahe adu de abodonu ma de tuhi goe: koe gu gaamai gi de au de heiangi ma de mmahi; koe gu hagaago mai gi de au mee amaadeu gu dangidangi adu ai gi de goe, koe gu hagaago mai gi gimaadeu de mee a de hodooligi e lodo gi iloo.”

1 Chronicles 16:16

go dana hagatoo donu hagaheloongoi ange gi Abraham, ma dana hagatoo donu ange gi Isaac.

1 Chronicles 29:18

Tagi Maolunga, de Maadua o omaadeu dubuna madagidagi go Abraham, ma Isaac, aama Israel, haia gi dagodo de lodo nei i daho oo dangada ga hano ai, gai haia gi maua e gilaadeu i de hagadubu goe i olaadeu lodo.

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Psalm 68:5

De Maadua e noho laa i honga dono mommee dabu, go tamana o denga gauligi gu deai olaadeu damana, gai ia e buibui denga haahine gu maakau olaadeu bodu.

Psalm 102:13

Koe e hidi age naa ga lodo aloha ange gi Zion; i hiidinga gu dae doo masavaa e abodonu ange ai, gai gu dae mai de masavaa gu hagailonga laa.

Hosea 12:6

Deenei ai, koe gi aahe mai gi doo Maadua; hai hegau i de abodonu ma de hagamodu heohi, ma de tali hagalodolodo ange gi doo Maadua i masavaa alodahi.