Exodus 29:46 - De Beebaa Dabu

⁴⁶ Gai gi iloo ai e gilaadeu bolo go au donu go Iahweh delaadeu Maadua, ne hagassao ina mai gilaadeu i de henua go Egypt, gai au ga noho ai i olaadeu daha. Go au Tagi Maolunga delaadeu Maadua.

Exodus 29:46 Referans Kwoze

Exodus 20:2

“Go au go Iahweh, doo Maadua, ne hagasao ina mai laa goe i de henua go Egypt, go de henua oou nogo hai hegau hagaduasala ina ai.

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Ezekiel 20:5

ma de hai ange gi gilaadeu, ‘E hagadaba de Ia Aamua go Iahweh: De laangi aagu ne hili ai Israel, gai au ne hagatoo donu ange gi hagadiilinga o Jacob, ma de hagaago ange au gi gilaadeu i de henua go Egypt. Au ne hagatoo donu ange gi gilaadeu, ga hai ange: “Go au go Iahweh doodou Maadua.”

Leviticus 19:2

“Basa ange gi de hagabuulingaa dangada o Israel, hai ange: ‘Goodou gi dabu, go hiidinga au e dabu, go au go Iahweh doodou Maadua.

Leviticus 18:30

Deenei ai, goodou daohia agu muna gu tala adu gi goodou, gai goodou gi dee ago ange i dahulinga a de gau henua gee nogo nnoho i de henua i mua, gai goodou e dee hai gi hakino gee goodou, i doodou ago ange i alaadeu dahulinga. Go au donu go Iahweh doodou Maadua.’ ”

Leviticus 11:44

Go au go Tagi Maolunga doodou Maadua; goodou vaaea gee goodou ma de hai gi dabu goodou, go hiidinga au e dabu. Goodou e dee hai gi dee gilimalali goodou i hanu manu e tolo i honga de gelegele.

Exodus 25:8

Gai gilaadeu gi hagaduulia dahi hale dabu moogu, e noho ai au i olaadeu daha.

Leviticus 26:11

Gai au e hai naa dogu mommee noho i oodou magavaa, au gu dee kino i goodou.

Psalm 114:2

gai Judah ne hai go de mommee dabu o de Maadua, gai Israel go dono mommee e hodooligi ai.

Haggai 2:5

Deenei dagu hagatoo donu hagaheloongoi ne hai adu gi goodou i de masavaa oodou ne ssao mai ai i Egypt. Dogu Hagasaalunga e noho i oodou magavaa, goodou aude maatagu!

Exodus 6:7

Gai au ga hai naa goodou go ogu dangada, gai au go doodou Maadua, gi iloo ai e goodou bolo go au donu go Iahweh doodou Maadua, go au ne gaavee gee goodou mai i mee a de gau Egypt e hagadaemaha ai goodou.

Leviticus 26:12

Au e seesee naa i oodou magavaa, ma de hai go doodou Maadua, gai goodou go ogu dangada.

Numbers 16:3

Gilaadeu ne loomai ga hagadaumee ange gi Moses ma Aaron, ga hai ange gi gilaau, “Gu gona odi ooluu mee e hai! Dangada alodahi o Israel e dabu, gai Tagi Maolunga e noho i olaadeu daha. Gai gu aha gooluu gu hai ai naa gooluu gi maolunga ange i de hagabuulingaa dangada o Tagi Maolunga?”

1 Samuel 10:18

Gai ia ga hai ange gi de gau Israel, “E hagadaba Tagi Maolunga, de Maadua o Israel, ‘Au ne hagassao mai goodou i Egypt, ma de hagaola goodou mai i lalo ssauaa o de gau Egypt, aama denga nohoanga hodooligi alodahi nogo vaivai haia laa goodou.’

2 Chronicles 6:18

Aagai e maua donu e de Maadua i de noho madali dangada i henua i lalo? Tilo, koe e dee oo i de langi maolunga mmao laa; gai e kii ange naa donu doo dee oo i de hale aagu gu hagaduu nei!

Jeremiah 14:9

Gu aha goe gu bei ai naa dahi dangada gu lele laa ono mouli, bei taane hebagi gu deai ono mahi e hagaola ai dahi? Tagi Maolunga, koe e noho i omaadeu daha, gai gimaadeu gu kave doo ingoo; koe gi dee dilia gimaadeu!

Ezekiel 34:24

Gai au, go Tagi Maolunga delaadeu Maadua, gai dogu dangada hai hegau go David go delaadeu dagi. Go au donu go Iahweh e hagadaba.