Exodus 29:40 - De Beebaa Dabu

⁴⁰ Gai ga hagahidi hogi e dahi diba i diba e madaangahulu o dahi ephah pelaoaa lligi gu hilo ma dahi diba i diba e haa o dahi hin lolo ne tugi, aama dahi diba i diba e haa o dahi hin uvaini e hai ai ssigidaumaha o mee unu.

Exodus 29:40 Referans Kwoze

Philippians 2:17

Aagai noo dogu mouli e hai gi bei ssigidaumaha o mee unu e llingi ange laa gi honga ssigidaumaha o oodou kai, gai au e malangilangi donu ma de lodo danuaa madali goodou alodahi.

Joel 2:14

Gai goai e iloo be ia e dee ahe naa dana maanadu ga dugu dahi manuuia, bei sigidaumaha o denga grain ma sigidaumaha o mee unu e vange gi Tagi Maolunga doodou Maadua?

Ezekiel 46:14

Goodou e gaamai hogi hanu grain madali ssiibi laa i daiao alodahi, e dahi diba i diba e ono o dahi ephah ma dahi diba i diba e dolu o dahi hin lolo, e hagassii ange gi honga denga pelaoaa. Ssigidaumaha o denga grain se mee ange gi Tagi Maolunga ga hano ai.

Ezekiel 45:17

Gai go tagi o de henua e haia mee e hai ai ssigidaumaha dudu, ma ssigidaumaha o denga grain, ma ssigidaumaha o mee unu i denga daonga, go taonga o de duu de maasina i dai, ma denga Sabbath, ma denga daonga alodahi gu hagamodu ange laa gi de gau Israel. Gai ia gi haia mee e hai ai denga sigidaumaha o haisala, ma sigidaumaha o grain, ma sigidaumaha dudu, ma sigidaumaha hagadanuaa magavaa, e tala ai haisala o de gau Israel.

Isaiah 57:6

Denga hadu malali i lodo geelonga go oodou diinonga; go gilaadeu, go gilaadeu oodou duuhanga. Goodou e llingi ange aagena ssigidaumaha o mee unu, ma de sigidaumaha ange denga grain gi gilaadeu. Gai e maua e mee nei i de hagahelui ogu lodo?

Leviticus 23:13

Goodou e gaamai hogi e lua diba i diba e madaangahulu o dahi ephah pelaoaa lligi gu hilo ma lolo, e sigidaumaha ange gi Tagi Maolunga i de ahi, se sigidaumaha nnamu kala — madali ssigidaumaha o mee unu o e dahi diba i diba e haa o dahi hin uvaini.

Joel 1:13

De gau haimeedabu, goodou kahu i malo daladala, ma de tangi, de gau hai hegau i de mommee o ssigidaumaha, goodou tangi ssee. De gau e haia hegau i mada luu mada o dogu Maadua, goodou loomai, kahu i malo daladala i dahi boo; go hiidinga gu deai donu sigidaumaha o grain ma sigidaumaha o mee unu, e gaamai gi de hale o doodou Maadua!

Joel 1:9

Gu deai donu sigidaumaha o grain ma mee unu i de hale o Tagi Maolunga. De gau haimeedabu gu tangi, aanei gilaadeu ne haia hegau i mada luu mada o Tagi Maolunga.

Ezekiel 46:11

De masavaa naa huu e dao ai denga daonga gu lava laa i de hagamodu, gai ssigidaumaha o denga grain e gaamai madali dahi kaau se dahi ephah, gai e bei ai hogi dahi ssiibi daane. Gai noo se ssiibi gauligi e hai ai ssigidaumaha, gai tangada gi gaamai denga grain aana e mau, aama dahi hin lolo madali dahi ephah.

Ezekiel 46:7

Gai grain aana e gaamai madali de kaau daane se dahi ephah, e dahi hogi ephah grain madali ssiibi daane, gai ia gi gaamai ana grain e malangilangi i de gaamai madali ssiibi gauligi laa, aama dahi hin lolo ange gi dahi ephah grain.

Ezekiel 46:5

Gai denga grain e gaamai madali ssiibi daane e hai ai ssigidaumaha e hai gi dahi ephah, gai ssigidaumaha o denga grain e gaamai madali dahi ssiibi gauligi, tangada gi gaamai ana mee e malangilangi i de gaamai, madali dahi hin lolo ange gi dahi ephah grain.

Ezekiel 45:24

Gai ia gi gaamai e dahi ephah grain e hai ai ssigidaumaha madali dahi kaau daane, ma dahi ephah madali dahi ssiibi daane laa, ma dahi hin lolo olive madali dahi ephah grain.

Ezekiel 20:28

De masavaa aagu ne gaamai ai gilaadeu gi de henua aagu gu hagatoo donu bolo e gaavange gi gilaadeu, gai gilaadeu ne gidee denga duuduu maolunga ma denga manu ssomo lau kohu i kilaa, gai gilaadeu ga hulo ga dudu alaadeu sigidaumaha i kilaa, gai gilaadeu ga hai ai au gi lili. Gilaadeu ne dudu hogi sigidaumaha nnamu kala, ma de llingi sigidaumaha o mee unu.

Ezekiel 4:11

Gai koe e hagabau hogi au vai e unu; koe e unu e dahi diba i diba e ono o dahi hin i dahi laangi. Gai koe e unu vai nei i denga masavaa gu hagailonga i de laangi.

Deuteronomy 32:38

ma denga diinonga e gaina laa mee moomuna o alaadeu sigidaumaha, ma de unu uvaini o alaadeu sigidaumaha? Gilaadeu gi loomai gi balea adu goodou; gilaadeu gi buibuia goodou!

Numbers 29:16

Gaamai hogi e dahi guudi daane e hai ai ssigidaumaha o haisala, madali ssigidaumaha dudu ma ssigidaumaha o grain ma ssigidaumaha o mee unu e hai laa i de laa tubua.

Numbers 28:24

Deenei doodou hai e hai ai ssigidaumaha o denga gai, e hai i de ahi, i denga laangi e hidu e hai ai laa taonga, se mee nnamu kala ange gi Tagi Maolunga; ssigidaumaha nei e hai madali ssigidaumaha dudu ma ono mee unu e hai laa i de laa tubua.

Numbers 28:10

Deenei ssigidaumaha dudu e hai i denga Sabbath alodahi, madali ssigidaumaha dudu ma ssigidaumaha o mee unu e hai i de laa tubua.

Numbers 28:5

madali e dahi diba i diba e madaangahulu o dahi ephah pelaoaa lligi gu hilo, ma e dahi diba i diba e haa o dahi hin lolo ne tugi laa.

Numbers 15:24

gai noo koe e dee se hagabau ga hagahaisala ai mee nei, gai de hagabuulingaa dangada o Israel tee iloo hogi, gai de huaadangada alodahi gi daia dahi kaau gauligi e hai ai ssigidaumaha dudu, go ssigidaumaha nnamu kala ange gi Tagi Maolunga, madali ssigidaumaha o grain ma ssigidaumaha o mee unu, bei de hai gu tala ai laa i de hainga, aama dahi guudi daane e hai ai ssigidaumaha o haisala.

Numbers 15:7

ma dahi diba i diba e dolu o dahi hin uvaini, e hai ai ssigidaumaha o mee unu. De mee nei se sigidaumaha nnamu kala ange gi Tagi Maolunga.

Exodus 30:24

ma e limalau shekel cassia, i de hagabaaunga o shekel o de hale dabu, ma e dahi hin lolo olive.

Exodus 16:36

Gai de omer se dahi diba i diba e madaangahulu o de ephah.

Genesis 35:14

Gai Jacob ga hagaduu age dahi duludulu hadu i de mommee o de Maadua ne basa ange ai gi de ia, ga llingi ange gi ono elunga ssigidaumaha o mee unu aama lolo.

Exodus 29:39

Gai dahi ssiibi nei e hai ai ssigidaumaha i taiao, gai ssiibi ange laa e hai ai ssigidaumaha i de ahiahi.

Exodus 29:41

Gai koe ga daa ssiibi ange laa ga hai ai ssigidaumaha i de ahiahi, madali aama ssigidaumaha o grain ma ssigidaumaha o mee unu, bei de hai ne hai ai i taiao, ga hai ai dahi ssigidaumaha nnamu kala i de ahi ange gi Tagi Maolunga.

2 Kings 3:20

Taiao age, i daha de masavaa e hai ai ssigidaumaha i de laa tubua, gai denga vai gu ssali mai i Edom, ga dae ai gi de honu honga de henua alodahi i vai.

Hosea 9:4

Gilaadeu e dee hai ange naa sigidaumaha o uvaini gi Tagi Maolunga; gai alaadeu sigidaumaha e dee hagamalangilangi donu ia. Alaadeu sigidaumaha e bei gai a de gau hinangalosaa e gai: dangada alodahi e gaina e dee gilimalali. Gai nei ni mee ange donu huu gi gilaadeu; e dee maua donu i de kave gi lo te hale o Tagi Maolunga.

Leviticus 6:13

Gai de ahi i honga de mommee o ssigidaumaha e hai donu gi gaa i masavaa alodahi; e dee hai donu gi made.

Numbers 4:16

Gai go Eleazar, tama daane a tangada haimeedabu go Aaron, e diiloo ange denga lolo e haula ai laa denga laama, ma mee maanongi, ma denga grain e hai ai laa ssigidaumaha, ma lolo hagasulu, ma de mommee dabu ma ono goloa alodahi.”